  Վրաստանի փոխվարչապետ. Անում ենք հնարավորը, որ ՀՀ և Վրաստանի միջև մաքսային դրույքաչափը չփոխվի 25 դեկտեմբերի 2014 - 11:09 AMT PanARMENIAN.Net - Վրաստանի փոխվարչապետ, էկոնոմիկայի և կայուն զարգացման նախարար Գեորգի Կվիրիկաշվիլին, որը Երևանում է առևտրատնտեսական հարցերով հայ-վրացական համատեղ աշխատանքային խմբի երկրորդ նիստի շրջանակներում, դեկտեմբերի 24-ին լրագրողների հետ զրույցում վստահեցրել է՝ իրենք փորձելու են այնպես անել, որ Հայաստանի և Վրաստանի միջև առևտրաշրջանառության մաքսային դրույքաչափերը մնան նույնը: «Մենք փորձում ենք ամեն ինչ անել, որպեսզի Եվրոպական միության հետ մեր ասոցացումը համատեղենք հայկական կողմի՝ Մաքսային միությանն անդամակցելու որոշման հետ, որը մեր կողմից հարգելի է: Մինչ մենք կսկսենք բանակցել նոր մաքսային ռեժիմի շուրջ, մենք փորձում ենք այնպես անել, որպեսզի նույնը մնան այն բոլոր մաքսային դրույքաչափերը, որոնք մինչ այսօր մեր երկրների միջև գոյություն ունեն»,-ասել է նա՝ հավելելով, որ իրենք ունեն բավական ժամանակ, որ վերանայեն բոլոր տեխնիկական հարցերը, որպեսզի Հայաստանը և Վրաստանը մնան ակտիվ առևտրային հարաբերությունների մեջ. «Հայաստանը մեզ համար կարևոր առևտրային գործընկերներից մեկն է, և մենք անելու ենք ամեն ինչ, որպեսզի զարգացնենք այդ հարաբերությունները Հայաստանի հետ»: Անդրադառնալով Վրաստանի տարածքով Հայաստանում տրանզիտային փոխադրումներին՝ Գեորգի Կվիրիկաշվիլին ասել է, որ իրենք ունեն հնարավորություն գործակցել հորիզոնական ռեժիմով կամ Առևտրի համաշխարհային կազմակերպության շրջանակներում: «Նորից եմ ասում, որ մենք անելու ենք ամեն հնարավորը, որպեսզի փոխադրումների հարցերով նույնպես ստեղծենք բոլոր պայմաններ, որպեսզի չիջնեն մեր առևտրաշրջանառության ցուցանիշները: Տրանզիտը շատ կարևոր մաս է մեր առևտրաշրջանառության մեջ»,-շեշտել է նա: ՀՀ էկոնոմիկայի նախարար Կարեն Ճշմարիտյանն էլ հավելել է, որ և´ Հայաստանի, և´ Վրաստանի դեպքում ազատ առևտրի պայմանները ձեռնտու են: Այդ ռեժիմի պահպանմանը ձգտում է նաև վրացական կողմը: «Այստեղ խնդիրն այն է, որ մենք ժամանակի ընթացքում մեր գործընկեր երկրների հետ կարողանանք պահպանել այդ ռեժիմը»,-ասել էնա՝ շեշտելով, որ ՀՀ-ն միևնույն ժամանակ ընդլայնելու է գործակցությունը եվրոպական երկրների հետ։ Կարեն Ճշմարիտյանի փոխանցմամբ՝ արդեն գնում են կոնկրետ բանակցություններ հետագա համագործակցության շրջանակները վերջնականապես որոշելու շուրջ, գրում է Tert.am-ը: Էկոնոմիկայի նախարար Կարեն Ճշմարիտյանը հայտարարել է, որ Հայաստանը բանակցություններ է վարում Եվրամիության հետ գործակցության նոր համաձայնագրի վերաբերյալ: «Ներկա պահին բանակցություններ ենք վարում մեր եվրոպացի գործընկերների հետ տեսակոնֆերանսների միջոցով, որոնց ընթացքում որոշում ենք ԵՄ գործակցության հիմնական ուղղությունները»,- ասել է Ճշմարիտյանը։ Դեկտեմբերի 11-ին վարչապետ Հովիկ Աբրահամյանի Վրաստան կատարած այցի շրջանակում Հայաստանի և Վրաստանի վարչապետների գլխավորած կառավարական պատվիրակությունների մասնակցությամբ Վրաստանի կառավարությունում երկկողմ բարձր մակարդակի բանակցություններ են եղել: Հովիկ Աբրահամյանը և Իրակլի Ղարիբաշվիլին անդրադարձել են տարբեր ինտեգրացիոն միավորումներին երկու երկրի անդամակցության հարցին: ՀՀ վարչապետը նշել է, որ Հայաստանը շուտով կանդամակցի Եվրասիական տնտեսական միությանը, սակայն միաժամանակ շարունակելու է ակտիվ գործակցել Եվրոպական միության հետ բոլոր հնարավոր ուղղություններով: Հովիկ Աբրահամյանի խոսքով` ՀՀ-ն կարևորում է ԵՄ հետ առկա բազմաթիվ համատեղ ծրագրերի և բարեփոխումների շարունակական իրականացումը: Նշվել է նաև, որ տարբեր ինտեգրացիոն միավորումներին անդամակցությունը պետք է ծառայի երկու երկրի տնտեսությունների զարգացմանը, գործարար միջավայրի համար նոր հնարավորությունների ստեղծմանը և չխոչընդոտի հայ-վրացական քաղաքական, տնտեսական, մշակութային կապերի սերտացմանը: Photo: medianews.ge Հղումներ թեմայով.    Եվրասիական տնտեսական միությանը Հայաստանի անդամակցման գործընթացը Հոկտեմբերի 10-ին Մինսկում ընթացող Բարձրագույն տնտեսական խորհրդի նիստում ստորագրվել է Եվրասիական տնտեսական միության մասին պայմանագրին Հայաստանի միանալու մասին պայմանագիրը:  Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով   Ամենաընթերցվողը բաժնում |  Վերջին լուրեր Կոբախիձեն հրաժարվել է ԱՄՆ այցից` պայմանը «օտարերկրյա գործակալների մասին» օրենքի ընդունման կասեցումն էր  ԱՄՆ դեսպանն ասել է, որ Վրաստանի կառավարության ընտրությունը «հեռացրել է երկիրը եվրաատլանտյան ապագայից»։ԿԳՄՍՆ․ «Վերջին դաս»-ը կազմակերպելիս բացառել դրամահավաքը Վերջին դասը նախատեսված է մայիսի 24-ին և 25-ինԱԺ պատգամավորները Վաշինգտոնում ԱՄՆ սենատորներին են ներկայացրել ՀՀ-Ադրբեջան խաղաղության գործընթացը Նրանք կարևորել են ԱՄՆ ակտիվ աջակցությունը տարածաշրջանում երկարատև խաղաղության հաստատմանըՔոչարյանի գրասենյակը հերքել է Բագրատ սրբազանի հետ հանդիպման մասին լուրը «Սա հերթական ֆեյքն է իշխանությունների կողմից»,-ասել է Միկոյանը |
