 28 30.04.15 - Սբ Աննա նորակառույց եկեղեցու օծման արարողությունը                               Երևանի կենտրոնում օծվել է նորակառույց Սբ Աննա եկեղեցին  30 ապրիլի 2015 - 18:00 AMTPanARMENIAN.Net - Ուղիղ 4 տարի տևած շինարարությունից հետո ապրիլի 30-ին Երևանի կենտրոնում՝ Կաթողիկե Սբ Աստվածածին եկեղեցուն հարակից, օծվել է Սբ Աննա եկեղեցին: Նորակառույց եկեղեցուն կից կառուցվել է նաև Ամենայն Հայոց կաթողիկոսի երևանյան նստավայրը: Եվ եկեղեցու, և նստավայրի շինարարությունն իրականացվել է Հրայր և Աննա Հովնանյանների բարերարությամբ, ճարտարապետն է Վահագն Մովսիսյանը: Սբ. Աստվածածին եկեղեցին կառուցվել է 13 դ-ում: 1679 թ-ին տեղի ունեցած ավերիչ երկրաշարժի հետևանքով կանգուն է մնացել միայն եկեղեցու մատուռը: 17-րդ դարի վերջում կառուցվել է եռանավ բազիլիկատիպ շինություն, որը 1936 թ-ին Ստալինյան բռնապետության տարիներին պայթեցվել է: Սբ Աննա նորակառույց եկեղեցու օծման արարողությանը՝ հանդիսապետությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի, ներկա են եղել նաև նախագահ Սերժ Սարգսյանը և տիկին Ռիտա Սարգսյանը: Եկեղեցու հիմնարկեքի արարողությունը կատարվել է 2011-ի ապրիլի 30-ին, շինարարությունն ավարտվել է 2015-ի ապրիլին: 2011 թվականի մայիսին մի քանի բողոքի ակցիա կազմակերպվեց. Մասնակիցները պահանջում էին փոխել կառուցվելիք եկեղեցու նախագիծը: Ըստ նախաձեռնողների, համալիրն ամբողջովին ճնշում է փոքրածավալ ու զուսպ ճարտարապետությամբ Կաթողիկե եկեղեցին և աղճատում է պատմական միջավայրը: Խումբը պահանջում էր անհապաղ դադարեցնել շինարարությունը և մշակել տարածքի բարեկարգման ավելի ընդունելի նախագիծ, քանի որ համալիրն իր ծավալով ազդում է ոչ միայն Կաթողիկեի, այլ նաև ամբողջ խաչմերուկի ու շրջակա միջավայրի ճարտարապետության վրա:  Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով  Նա հավելել է, որ ԱՄՆ–ն սատարում է վրաց ժողովրդինՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալՍամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրություններիՄիրզոյանն ու Բայրամովը ողջունել են առաջընթացը սահմանազատման հարցում և պայմանավորվել շարունակել բանակցությունները Բանակցությունները կշարունակվեն բաց հարցերի շուրջ, որտեղ դեռ կան տարաձայնություններ |
