 Հայ «ռուֆերները» նվաճել են «Էլիտ Պլազայի» 85-մետրանոց շենքը (վիդեո)  3 հունիսի 2015 - 17:35 AMTPanARMENIAN.Net - Զբոսանքը տանիքներում կամ «ռուֆինգը» խոշոր քաղաքներում բավականին մեծ տարածում գտած էքստրիմի ձև է: Պարզվում է` հայ երիտասարդների շրջանում ևս կան համարձակներ, որոնց գրավում է քաղաքային տանիքներից բացվող տեսարանները դիտելու գաղափարը: Վերջերս նրանք նվաճեցին վերամբարձ կռունկը երևանյան Կասկադի վերևում: Օրերս էլ տղաները բարձրացել են 85-մետրանոց «Էլիտ Պլազա» բիզնես-կենտրոնի տանիքը։ Ինչպես PanARMENIAN.Net ինասաց «ռուֆերներից» մեկը` Լևոն Բադիկյանը, սա իհարկե վտանգավոր զբաղմունք է, սակայն նա ընկերոջ հետ արդեն 5 տարի է, ինչ զբաղվում է պրոֆեսիոնալ լեռնագնացությամբ: Եվ հետո, միշտ անհրաժեշտ սարքավորումներ ունի ապահովության համար: Բարձրանում են ավանդական եղանակով` վերելակով, աստիճանով և այլն: Գլխավոր էքստրիմը տանիքին է սկսվում: «Չէ որ սա քաղաքի համայնապատկերով հիանալու հնարավորություն չէ միայն: Դա թույլ է տալիս հաղթահարել վախը և ադրենալինի մեծ հոսք է ապահովում: Բայց ամենակարևորը` առանց հատուկ պատրաստության մարդիկ ոչ մի դեպքում չպետք է փորձեն կրկնել դա»,- ասաց երիտասարդը: Ըստ Լևոնի, Երևանում այս պահի դրությամբ չկան «ռուֆերների» այլ խմբեր: Իսկ առաջիկա անելիքների մասին էքստրիմի սիրահարները դեռ չեն մտածել: Զբոսանք տանիքներով (ռուֆինգ, ռուֆերություն) – ինդուստրիալ զբոսաշրջության ենթատեսակ՝ տարածված հիմնականում մեծ քաղաքներում։ Մարդիկ, ովքեր ուսումնասիրում են քաղաքային տանիքներից բացվող տեսարանները, տարբեր անվանումներ են տալիս իրենք իրենց, սակայն հիմնականում կիրառվում է «ռուֆերներ» (անգլերեն roof- տանիք բառից) եզրույթը։ Ռուֆինգը կարելի է բաժանել երեք տեսակի․ էքստրեմալ ռուֆինգ, որի ընթացքում էքստրիմի սիրահարները տանիք են բարձրանում հրդեհային աստիճանների, ջրատար խողովակների և այլ հարմարանքների միջոցով՝ նպատակ ունենալով հասնել տանիք ոչ ստանդարտ եղանակներով։ Երկրորդը լուռ ռուֆինգն է, երբ տանիք են բարձրանում էսթետիկ հաճույք ստանալու նպատակով՝ զմայլվելով բարձունքից երևացող տեսարաններով։ Կարող է ուղեկցվել լուսանկարչությամբ։ Եվ երրորդը՝ «արտ-ռուֆինգ», երբ տանիք են բարձրանում ստեղծագործական միջոցառումների՝ համերգների, սթրիթ-արտ օբյետկտների ստեղծման նպատակով։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
