Հակառակորդը կրակել է Տավուշի ուղղությամբ. Բաղանիս գյուղը նյութական վնաս է կրել (թարմացված) 9 հունիսի 2015 - 13:37 AMT PanARMENIAN.Net - Հունիսի լույս 9-ի գիշերը հակառակորդը կրակոցներ է արձակել Տավուշի մարզի Բաղանիս գյուղի ուղղությամբ, որոնց արդյունքում գյուղը նյութական վնասներ է կրել: Գյուղապետ Նարեկ Սահակյանի խոսքով, կրակոցները եղել են ժամը 00:30-ի սահմաններում, գրում է Panorama.am-ը. «Հիմա լավ է ամեն ինչ, գիշերն ուղղակի հակառակորդը կրակոցներ է արձակել, մեր գյուղացիներից մեկի լուսամուտափեղկն է վնասվել ու ապակին է ջարդվել»,- նշել է գյուղապետը: Վերջինս նաև ավելացրել է, որ փետրվարից Բաղանիսում հարաբերական խաղաղ էր, գյուղի ուղղությամբ կրակոցներ չեն եղել: Տավուշի մարզի Բաղանիս գյուղի ուղղությամբ ադրեջանական կողմի գնդակոծության վերջին դեպքը փետրվարի 6-ին էր, որի հետևանքով վնասվել էր գյուղի 2 առանձնատան տանիք և համայնքը սնուցող բնական գազի խողովակը: Այդ գնդակոծությունների արդյունքում ավելի շատ վնաս էին կրել Ներքին Կարմիրաղբյուր և Ագյեպար համայնքները, դպրոցներում դադարեցվել էին դասերը գնդակոծության վտանգի, ինչպես նաև գազատարի վնասման պատճառով, ինչի հետևանքով դպրոցի շենքն առանց ջեռուցմնամ էր մնացել: Ադրբեջանական կողմի գնդակոծության պատճառով զոհվել էր Ներքին Կարմիրաղբյուր գյուղի 61-ամյա բնակիչը: Անդրադառնալով կրակոցներին, ՀՀ պաշտպանության նախարար Սեյրան Օհանյանըլրագրողների հետ զրույցում նշել է, որ այս ամենը մեկ անգամ ևս պարտավորեցնում է հայկական կողմին ավելի հետևողականորեն վերահսկել իրավիճակը, հետևություններ անել և սառնասիրտ որոշումներ կայացնել` պատրաստ լինելով ցանկացած զարգացման: «Սովորական, ամենօրյա գնդակոծություններ են, որոնք ոչ մի արդյունք չեն ունեցել: Վերջին ժամանակահատվածում մեր սահմաններում և ԼՂՀ-ում իրավիճակը հանգիստ է, վերահսկելի ՀՀ և ԼՂՀ պաշտպանության բանակի, զինված ուժերի կողմից, այնպես որ, կարող ենք հանգիստ լինել»,- նախարարի խոսքը մեջբերում է «Այսօր»-ը: Ադրբեջանի ապակառուցողական կեցվածքին անդրադառնալով՝ նախարարը ևս մեկ անգամ շեշտել է, որ հայկական կողմը միշտ արել է այնպես, որ պահպանի հրադադարի ռեժիմը, ինչը չի կարելի ասել ադրբեջանական կողմի մասին: «Հայ զինվորը խաղաղության զինվոր է, և նա ամեն ինչ անում է, որպեսզի ստեղծվի այդ զսպման մեխանիզմը, մեր սահմաններում խաղաղություն տիրի, իսկ ամենակարևորը՝ վստահության մակարդակ ստեղծի»,- նշել է Սեյրան Օհանյանը՝ եզրափակելով, որ դա է ամենաէականը բանակցային գործընթացում առաջընթաց ունենալու համար: Ուշագրավ Շենքի շուրջբոլորը ոստիկանությունը պատնեշներ է տեղադրել
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ Ուսանողների օրը՝ Բիբլոս Բանկ Արմենիայի կրթաթոշակ ստացած ուսանողների հետ ԵՊՀ 10 ուսանող ստացել է Բիբլոս Բանկ Արմենիայի անվանական կրթաթոշակ Ձերբակալվել է Վահագն Չախալյանը և ևս 4 անձ Նրանք կասկածվում են խմբակային խուլիգանություն կատարելու մեջ |