Մոսկվան ու Դամասկոսը քննարկում են Սիրիայի հնարավոր անդամակցումը ԵՏՄ-ին21 հուլիսի 2015 - 17:02 AMT PanARMENIAN.Net - Դամասկոսն ու Մոսկվան բանակցում են Եվրասիական տնտեսական միությանը Սիրիայի հնարավոր անդամակցության շուրջ, հայտարարել է Սիրիայի վարչապետ Վաիլ ալ Հալկին: «Բանակցություններ են ընթանում ռուսական կողմի հետ Եվրասիական միությանն ու մաքսային ազատ գոտուն միանալու շուրջ: Մենք դա օգտակար ենք համարում, գտնում ենք, որ դա կամրապնդի հարաբերությունները բարեկամ պետությունների հետ, ինչը թույլ կտա թեթևացնել տնտեսական և առևտրային գործակցությունը նրանց հետ»: Ինչպես ՌԻԱ Նովոստի գործակալությանը տված հարցազրույցում ասել է Սիրիայի վարչապետը, Մոսկվայի և Դամասկոսի միջև արդեն պայմանագրեր են ստորագրվել գազավերամշակող գործարանների, ոռոգման համակարգի շինությունների և էլեկտրական ենթակայանների կառուցման վերաբերյալ: Բացի այդ, 2 տարի առաջ Ռուսաստանն ու Սիրիան համաձայնագիր են կնքել Սիրիայի ծովափնյա տարածքում նավթի հանքավայրերի արդյունահանման վերաբերյալ: Հայաստանը ԵՏՄ-ին անդամակցելու համաձայնագիրը կնքեց հոկտեմբերի 10-ին և ԵՏՄ լիիրավ անդամ դարձավ 2015-ի հունվարի 2-ին: Անդամակցության պայմանագրով նախատեսվում է 1-8 տարի Հայաստանի և ԵՏՄ մաքսային տոկոսադրույքների ներդաշնակեցման համար, 12-60 ամիս՝ Մաքսային միության տեխնիկական կանոնակարգերի ընդունման, 3 տարի՝ մտավոր սեփականության օբեյկտների իրավունքների պահպանության ու պաշտպանության հարցերի կարգավորման համար: Անցումային շրջանում ԵՏՄ-ն իրավունք ունի որոշելու Հայաստանի տարածք իր ապրանքների ներմուծման հատուկ կարգը: Պայմանագրով նախատեսվում են նաև ապրանքների տեղափոխման առանձնահատկությունները օտար պետությունների տարածքով: Հայաստանը կստանա ԵՏՄ մաքսային մուտքերի 1,13 տոկոսը: ԵՏՄ կենտրոնակայանը լինելու է Մոսկվայում, ֆինանսական կանոնակարգողը՝ Ալմաթիում, իսկ ԵՏՄ դատարանը՝ Մինսկում: Բելառուսը նաև իրավունք է ստացել նախագահելու միությունում 2015 թ.: Ընթացիկ տարում միությանը միացավ նաև Ղրղզստանը: ՌԴ ԱԳՆ-ն հայտարարեց, որ մոտ 40 երկիր ու միավորում շահագրգռված է ԵՏՄ հետ ազատ առևտրի գոտիներ ստեղծելու հարցում: Ավելի ուշ, Ղազախստանի փոխնախարար Թիմուր Ժակսիլիկովը հայտարարեց, որ բանակցություններ են ընթանում Նոր Զելանդիայի, Թուրքիայի, Հնդկաստանի, Լատինական Ամերիկայի երկրների հետ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի Միրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա |