 Հեծանվաերթ Երևանում՝ Հայոց ցեղասպանության զոհերի հիշատակին 25 հուլիսի 2015 - 13:24 AMT PanARMENIAN.Net - Հայոց ցեղասպանության զոհերի հիշատակին «100 դուռ» նախագծի շրջանակում Երևանում հեծանվաերթ է մեկնարկել, որին մասնակցել է ավելի քան 70 հեծանվորդ: Նախագծի անվանումը խորհրդանշում է Արևելյան և Արևմտյան Հայաստանում, ինչպես նաև Ջավախքում (Վրաստանի հայաբնակ շրջան) գտնվող 100 հայկական եկեղեցին: Այդ մասին տեղեկացրել է Հայաստանի սիրողական հեծանվասպորտի ֆեդերացիայի նախագահ Արման Անտոնյանը: Հեծանվաերթի մասնակիցները «Մեր վերքերը միշտ բաց են» գրությամբ շապիկներով անցել են Հանրապետության հրապարակից դեպի Ծիծեռնակաբերդի հուշահամալիր, որտեղ հարգանքի տուրք են մատուցել Ցեղասպանության զոհերի հիշատակին և աղոթել են: Այնուհետև մասնակիցներն ամբողջ կազմով վերադարձել են Հրապարակ: «Ծրագրի նպատակն է ժողովրդին հասցնել, որ չպետք է միայն ապրիլի 24-ին կամ դրանից առաջ գալ Ծիծեռնակաբերդ, այլ գալ, երբ ցանկանաս»,- ասել է Անտոնյանը, մեջբերում է «Նովոստի Արմենիա»-ն: Նա նաև նշել է, որ ծրագրի շրջանակում նախատեսված միջոցառումները պարբերական բնույթ են կրելու, սակայն մանրամասներ չի հայտնել: Ռեժիսոր Խաչիկ Եղոյանի նախաձեռնած «100 դուռ» ֆոտոնախագծի գաղափարը կայանում է նրանում, որ լուսանկարվում են 100 հայկական եկեղեցու դռներ: Լուսանկարների լայնաֆորմատ տարբերակները կներկայացվեն ցուցահանդեսների շրջանակում, որոնք կանցկացվեն Երևանում և Ստամբուլում։   Ուշագրավ Զորավարժությունները կշարունակվեն մինչև մարտի 31-ը Նա ցուցումներ է տվել նմանօրինակ դեպքերը բացառելու նպատակով անհրաժեշտ միջոցառումների վերաբերյալ Պահանջում են չեղարկել թանկացումը և բյուրոյի պետի հրաժարականը Փետրվարի 13-ին տեղի ունեցած երկրաշարժ Էպիկենտրոնային գոտում ստորգետնյա ցնցման ուժգնությունը կազմել է 6-7 բալ   Ամենաընթերցվողը բաժնում |  Սյուժե Վերջին լուրեր Միրզոյանը Բրյուսել կմեկնի  Հայաստան-ԵՄ գործընկերության խորհրդի 4-րդ նիստին կմասնակցի նաև ներկայացուցիչ Ժոզեպ ԲորելըՓաշինյանն ու Պուտինը առանձնազրույց են ունեցել Փաշինյանը հույս է հայտնել, որ քննարկելու են ԼՂ հակամարտությանն ու ՄԽ-ին առնչվող հարցերSperasoft-ը Երևանում GameDev-ի հանդիպումներ կանցկացնի հունիսին Sperasoft-ը Keywords խաղերի մշակման առաջատար միջազգային ընկերության ստուդիաներից մեկն էՀուլիսի 1-ից բուժծառայությունների դիմաց վճարները կընդունվեն միայն անկանխիկ Խոսքը Երևանում գործող բժշկական հաստատությունների մասին է |
