Օգոստոսի 10-ից ՀՀ-ում կրկին ջերմային բարձր ֆոն կլինի. Ամենաշոգ օրն ամսի 2-ն էր 7 օգոստոսի 2015 - 13:35 AMT PanARMENIAN.Net - Օգոստոսի 10-ից Իրաքից ՀՀ տարածք կներթափանցեն տաք օդային հոսանքներ: Օդի ջերմաստիճանն Արարատյան դաշտում կհատի 41-ի սահմանը, իսկ Մեղրիում ջերմաստիճանը կլինի +42: Այս մասին օգոստոսի 7-ին տեղեկացրել է ՀՀ ԱԻՆ Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը: «Այսօրվանից ջերմաստիճանը նվազել է: Սև ծովից սառը օդային զանգված կներթափանցի: Օդի ջերմաստիճանն օգոստոսի 7-8-ին աստիճանաբար կնվազի 3-5, Լոռիում, Տավուշում, Սյունիքում և Արցախում՝ 7-8 աստիճանով: Ամսի 7-9-ին առավելապես հյուսիսային շրջաններում գիշերվա առաջին կեսին և երեկոյան ժամերին սպասվում է կարճատև անձրև և ամպրոպ», - ասել է Սուրենյանը՝ հավելելով, որ ընթացիկ տարվա հուլիսը Հայաստանի պատմության մեջ գրանցված ամենաշոգ ամիսներից էր: «1943-ից առ այսօր օդի նման բարձր ջերմաստիճան չի գրանցվել: Ամենաշոգ օրը եղել է օգոստոսի 2-ը: Այդ օրն օդի ջերմաստիճանը մայրաքաղաքում հասել է +41-ի, իսկ Մեղրիում մի քանի օր շարունակ ջերմաստիճանը +42-ից չի նվազել»,- նշել է նա, գրում է Aysor.am-ը: Սուրենյանի խոսքով՝ օգոստոսի 10-ից հատկապես հանրապետության հովտային գոտիներում ապասվում է բարձր ջերմային ֆոն և բարձր կարգի հրդեհավտանգ իրավիճակ: Գյուղատնտեսական մշակաբույսերի մոտ կդիտվի ջրազրկում, որից խուսափելու համար անհրաժեշտ է խստորեն վերահսկել ոռոգման ռեժիմը: Նա բնակչությանը խորհուրդ է տվել խուսափել ֆիզիկական ակտիվությունից և արեգակի անմիջական ճառագայթների տակ գտնվելուց: Արևադարձային տաք օդային հոսանքների պատճառով Հայաստանում հուլիսի 31-ից օգոստոսի 4-ը չափազանց բարձր ջերմաստիճան էր՝ +40-ից ավելի: Կարդացեք նաև՝ Ո՞ր սննդամթերքն է անվտանգ +40 ու ավելի շոգի դեպքում. Մասնագետների խորհուրդները Ինչպե՞ս մեղմել +40 ու ավելի շոգի բացասական ազդեցությունը. Ցուցումներ Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ ԵՄ-ն 3․5 մլն եվրո է փոխանցել ՀՀ-ին արդարադատության ոլորտի բարեփոխումների համար Նշվում է, որ փոփոխությունները կիրառելու համար անհրաժեշտ է հետագա համապարփակ և համակարգային քաղաքականություն |