Տյանձինի տեխնածին աղետ. Ցիանիդի պարունակությունը ջրում 356 անգամ գերազանցում է նորման20 օգոստոսի 2015 - 15:43 AMT PanARMENIAN.Net - Չինական Տյանձինում տեղի ունեցած տեխնածին աղետի հետևանքով ցիանիդի պարունակությունը ջրում 356 անգամ գերազանցում է նորման, հայտնում է «Ֆրանս պրես» գործակալությունը` շրջակա միջավայրի պահպանության քաղաքային վարչության հայտարարության վրա հղումով: Օգոստոսի 12-ին Չինաստանի ժամանակով 23:30-ին 2 հզոր պայթյուն է որոտացել Ruihai International Logistics լոգիստիկ ընկերության պահեստում, որտեղ թունավոր նյութեր են պահվում: Պայթյունն այնպիսի հզորության է եղել, որ այն գրանցել է նույնիսկ տեղի սեյսմոլոգիական ծառայությունը: Հզորությունը հավասարազոր է եղել 3 և 21 տոննա տրոտիլի: Ինչպես հայտնել են իշխանությունները, քիմիական նյութեր են հայտնաբերվել պայթյունի վայրից ոչ հեռու ցանկապատված տարածքի 25 կետում ջրի նմուշառման արդյունքում: «Ցիանիդի պարունակությունը գերազանցված է 8 կետում, ամենաբարձր ցուցանիշը նորման գերազանցում է 356 անգամ»,-ասվում է վարչության հայտարարության մեջ, հայտնում է ՌԻԱ Նովոստի գործակալությունը: Ավելի վաղ հայտնի դարձավ, որ թունավոր նյութերի տարածման սպառնալիքի պատճառով իշխանությունները սկսել են տարհանել տեղի բնակիչներին: Պայթյունի վայր էին ժամանել զինվորականները քիմպաշտպանության հանդերձանքով, որոնք որոնելու են ողջ մնացածներին: Ավելի վաղ Սինհուա գործակալությունը հայտնեց, որ Ruihai Logistics ընկերությունը, որին պատկանում է պահեստը, գրանցված է կողմնակի անձանց անունով: Ընկերության ղեկավարությունը ապօրինի արտոնագրեր է ստացել հրշեջներից և բնապահպանական մարմիններից: Ընկերության ողջ ղեկավարությունը ձերբակալված է: Տյանձինի թունավոր նյութերի պահեստում պայթյունի հետևանքով զոհվել է 114 մարդ, անհայտ կորել է 70-ը, ևս 698-ը` տեղափոխվել է հիվանդանոց: Աղետի պատճառը հայտնի չէ, ըստ ԶԼՄ-ների, խնդիրներ կարող էին լինել ընկերության անվտանգության համակարգում` ղեկավարությունն արդեն ձերբակալված է: Ըստ ԶԼՄ-ների, ևս մի քանի տասնյակ հրշեջ համարվում է անհայտ կորած: Բազում պայթյուններ են հնչել արդեն այն բանից հետո, երբ պատահարի վայր են ժամանել հրշեջ մեքենաները, ինչը նոր զոհերի պատճառ է դարձել: Ըստ CCTV հեռուստաալիքի, առնվազն մեկ շենք փլվել է, ևս մի քանի տասնյակ շինություն վնասվել է: Համալիրը շրջափակված է, երկաթուղային երթևեկությունը վթարի շրջանում դադարեցված է: Անվտանգության նկատառումներով փակվել են նաև ավտոլցակայանները: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |