Մյուռոնօրհնեքը՝ Էջմիածնում. Արարողությանը կմասնակցի նաև Կարդինալ Սանդրին23 սեպտեմբերի 2015 - 18:24 AMT PanARMENIAN.Net - Մայր աթոռ Սբ Էջմիածնում սեպտեմբերի 27–ին` Վարագա Սուրբ Խաչի տոնի օրը, կանցկացվի Մյուռոնօրհնեքի արարողությունը, որը տեղի է ունենում յոթ տարին մեկ անգամ, եպիսկոպոսական դասի ու աշխարհի տարբեր ծայրերից ժամանած պատվիրակությունների մասնակցությամբ: Այս տարի արարողությունը տեղի կունենա Գարեգին Բ Ամենայն հայոց կաթողիկոսի և 12 եպիսկոպոսի մասնակցությամբ: Մյուռոնօրհնեքին կմասնակցի նաև Արևելյան եկեղեցիների ժողովի կառավարիչ, կարդինալ Լեոնարդո Սանտրին` որպես Հռոմի Ֆրանցիսկոս պապի ներկայացուցիչ: Կարդինալը սեպտեմբերի 23–ին հնգօրյա այցով կժամանի Հայաստան։ Սեպտեմբերի 24–ին Գյումրիի «Սրբոց նահատակաց» եկեղեցում նա Տանն Կիլիկիո կաթողիկե հայոց Գրիգոր Պետրոս կաթողիկոսի հետ մասին կնախագահի եկեղեցու օծման արարողությունը, «Ռադիո Վատիկան»-ին հղումով գրում է Panorama.am-ը: Սեպտեմբերի 27-ի առավոտյան էջմիածնի Մայր տաճարում տեղի է ունենալու պատարագ, ապա կեսօրից հետո՝ ժամը 5-ին Մյուռոնօրհնեքի սրբազան արարողությունը: Սեպտեմբերի 23-ին Ամենայն հայոց կաթողիկոսը Էջմիածնում ընդունել է Բրազիլիայի հայոց թեմի մի խումբ ուխտավորների` թեմակալ առաջնորդ Տ. Նարեկ եպիսկոպոս Բերբերյանի առաջնորդությամբ: Ուխտավորները Հայաստան են ժամանել իրենց մասնակցությունը բերելու կայանալիք Մյուռոնօրհնության արարողությանը, ինչպես նաև այցելելու Հայաստանի տարբեր սրբավայրեր: Մայր Աթոռի տեղեկատվական համակարգից հայտնում են, որ հանդիպման ընթացքում Գարեգին Բ-ն, անդրադառնալով հայ ժողովրդի կյանքում Մյուռոնի խորհրդին և նշանակությանը, ընդգծել է, որ Հայաստանի և Սփյուռքի թեմերից ուխտավորների մասնակցությունը արարողությանը ամբողջ հայ ժողովրդի միասնական աղոթքի խորհուրդն ունի: Սեպտեմբերի 21–ին կարդինալ Լեոնարդո Սանտրին ՀՀ անկախության 24–րդ տարեդարձին նվիրված պատարագ է մատուցել Հռոմի Սբ Վլասի անվան եկեղեցում։ Պատարագին մասնակցել են Վատիկանում հավատարամագրված երկրների դեսպաններ, կղերականներ, հայ, իտալացի ու այլազգի հավատացյալներ: Սանտրին խոսել է Մաթևոսի դարձի մասին, ակնարկելով Աստծո ողորմածությունը հայ ազգի նկատմամբ, որին շնորհվել է քրիստոնեությունը որպես պետական կրոն առաջինը հռչակելու պարգևը: Մյուռոնի հիմնական բաղադրիչը ձիթենու անարատ ձեթն է, որին խառնվում է բալասան, ինչպես նաև քառասուն տեսակի տարբեր հոտավետ խունկերի, ծաղիկների, անուշահոտ բույսերի արմատների, ծաղկաջրերի, յուղային հյութերի և տերևների միաշաղախված հեղուկը։ 0րհնությունից քառասուն օր առաջ ձիթենու մաքուր յուղով լի կաթսան դրվում է Մայր Տաճարի բեմում և ծածկվում շղարշով։ Մյուռոնի պատրաստման կանոնի, օգտագործվող նյութերի մասին բազմաթիվ աղբյուրներ կան: Ամենավաղ տեղեկությունը Մաշտոցյան մատենադարանում պահվող 1461-ին ընդօրինակված ձեռագրում է, այստեղ մյուռոնի պատրատման 40 տեսակ բույս ու ծաղիկ է նշվում: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |