Հայ գործարարները պատրաստվում են միանալ ԵՏՄ դեղերի ընդհանուր շուկային 2 հոկտեմբերի 2015 - 17:16 AMT PanARMENIAN.Net - Հայ գործարարները պատրաստվում են միանալ ԵՏՄ դեղերի և բժշկական արտադրանքի ընդհանուր շուկային, հայտնում է Եվրասիական տնտեսական հանձնաժողովի մամուլի ծառայությունը: Եվրասիական տնտեսական հանձնաժողովի կոլեգիայի անդամ (նախարար) Կարինե Մինասյանը հոկտեմբերի 1-ին տնտեսվարողներին է ներկայացրել նոր հնարավորությունները և մարտահրավերները, որոնք սպասվում են ԵՏՄ տարածքում 2016 թվականի հունվարի 1-ից դեղերի և բժշկական արտադրանքի շրջանառության նոր կանոնների և սկզբունքների ուժի մեջ մտնելուց հետո: «Հայաստանի առողջապահական ոլորտը դինամիկ կերպով զարգանում է: Վերջին հինգ տարվա ընթացքում այն աճել է գրեթե կիսով չափ, հիմնականում արտադրողականության և արդյունավետության հաշվին: Տարեկան միջին աճը կազմում է 10 տոկոս: Դա նշանակում է, որ հայկական բիզնեսը մեծ ներուժ ունի ԵՏՄ դեղերի և բժշկական ապրանքների ընդհանուր շուկաներում ներգրավվելու և ԵՏՄ տարածքում իր դիրքը զբաղեցնելու համար»,-ասել է Մինասյանը: Հանդիպան ժամանակ ընդգծվել է, որ ընդհանուր շուկան բոլոր կողմերի համար բիզնես գործունեության նույն պայմաններն է ենթադրում, ինչը հայ ձեռներեցների համար ոչ միայն նոր հնարավորություններ կապահովի, այլև նոր մարտահրավերներ, հայտնում է ԱՆ մամուլի ծառայությունից: ԵՏՄ դեղերի և բժշկական արտադրանքի ընդհանուր շուկան կազմում է 1,5 մլրդ դոլար: Ընդ որում դեռևս արտադրանքի մեծ մասը ներկրվում է երրորդ երկրներից: ԵՏՄ անդամ երկրների փոխադարձ առևտուրը ընդամենը 20% է կազմում: Այժմ ձևավորվում է Հայաստանի դիրքորոշումը դեղերի և բժշկական արտադրանքի ոլորտում նորամուծությունների հարցում և դրանից կախված կլինեն բիզնեսի պայմանները գալիք տարի: Ուստի նախարարը հորդորել է ձեռներեցներին ավելի ակտիվ լինել քննարկումներում: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |