Կիպրոսը դեմ է ԵՄ-Թուրքիա բանակցությունների վերսկսմանը. Սառեցման պատճառները չեն վերացվել19 հոկտեմբերի 2015 - 16:36 AMT PanARMENIAN.Net - Կիպրոսի արտաքին գործերի նախարար Յաննիս Կասուլիդեսը հայտարարել է, որ Կիպրոսը չի կարող հավանություն տալ Թուրքիայի՝ Եվրամիությանն անդամակցելու շուրջ բանակցությունների վերսկսմանը: Կիպրոսի արտգործնախարարը նման մոտեցում հիմնավորել է այն բանով, որ բանակցությունների սառեցմանը հանգեցրած պատճառները դեռևս չեն վերացվել և քանի դեռ առկա իրավիճակը շարունակվում է, ապա բանակցությունների վերասկսմանը չեն կարող տալ համաձայնություն, թուրքական Beserhaber-ին հղումով գրում է Ermenihaber.am-ը: Բանակցությունների վերսկսման հարցը եղել է Գերմանիայի կանցլեր Անգելա Մերկելի հոկտեմբերի 18-ի Թուրքիա կատարած այցի օրակարգում: Նա խոստացել է, որ Գերմանիան կարագացնի Թուրքիայի անդամակցության գործընթացը Եվրամիությանը: Համապատասխան հայտարարությունը նա արել է Թուրքիայի վարչապետ Ահմեդ Դավութօղլուի հետ համատեղ մամուլի ասուլիսում: «Մենք ցանկանում ենք առավել դինամիկ դարձնել ԵՄ-ին Թուրքիայի անդամակցության գործընթացը և բանակցություններ սկսել տնտեսությանը և դրամային քաղաքականությանը վերաբերող 17-րդ կետի շուրջ»,-ասել է նա: Մյուս կետերն, ըստ Մերկելի, կքննարկվեն ավելի ուշ: ԵՄ անդամակացության բանակցությունների վերսկսման հարցն օրակարգ է եկել Բրյուսելում կայացած Եվրամիության անդամ պետությունների ղեկավարների ու կառավարությունների խորհրդաժողովից հետո, երբ համաձայնություն էր ձեռք բերվել փախստականների հարցում Թուրքիայի հետ գո րծակցության ծրագիրի շուրջ: Թուրքիան գործակցության համար մի շարք պայմաններ էր առաջ քաշել, այդ թվում առաջընթաց եվրաանդամակցության բանակցություններում: ուրքիան ԵՄ-ին անդամակցելու հայտ է ներկայացրել դեռ 1987-ին, իսկ 1999 թ. ստացել է թեկնածու երկրի կարգավիճակ, բանակցությունները սկսվել են 2005-ին: Սակայն 35 անհրաժեշտ պայմաններից Թուրքիան մինչ օրս բավարարել է միայն 14-ին, ընդ որում ամենամեծ առարկություններն առաջացնում է տարածքային վեճը Կիպրոսի հետ ու ժողովրդավարացման խնդիրները երկրի ներսում: 17 գլուխ դեռ փակ է մնում: 2014-ի հոկտեմբերի 16-ին եվրահանձնաժողովը հրապարակեց նոր ամենամյա զեկույցը ԵՄ-ին Թուրքիայի անդամակցության գործընթացի մասին՝ առաջարկելով վերսկսել բանակցություններն ու շտապեցնել Թուրքիային ժողովրդավարացման հարցում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |