Դորտմունդում կբացվի հայ-գերմանական բարեկամության 4-րդ այգին31 հոկտեմբերի 2015 - 18:09 AMT PanARMENIAN.Net - Հայ-գերմանական բարեկամության այգիների հիմնադրման ծրագրով 4-րդ այգին կբացվի գերմանական ամենամեծ Բուսաբանական այգում՝ Դորտմունդ քաղաքում: Այս մասին հոկտեմբերի 31-ին լրագրողներին տեղեկացրել է Գերմանիայի հայ ակադեմիականների միության նախագահ Ազատ Օրդուխանյանը: Առաջին այգին բացվել է 2015-ի ապրիլի 11-ին Երևանում՝ Ավան թաղամասում, երկրորդը՝ Գերմանիայում՝ Բոխում, երրորդը՝ Եղեգնաձորում: Ծրագիրն իրականացվում է Գերմանիայի Բունդեսթագի նախագահ Նորբերտ Լամմերտի հովանու ներքո: Օրդուխանյանը նշել է, որ այգիների հիմնումը նվիրված է Գերմանիայի Հայ ակադեմիականների միության 155-ամյակին: «Մենք տնկում ենք այդ ծառերը ցույց տալով, որ մեր 155 տարվա բարեկամությունն ավելի խորն է, քան 100 տարի առաջ գերմանաթուրքական գործակցությամբ, Հայոց ցեղասպանությամբ ընդհատված հայ-գերմանական բարեկամությունը», - ասել է նա: Օրդուխանյանի խոսքով՝ Գերմանիայում հիմնված Հայ-գերմանական բարեկամության այգում դեռևս որևէ տեղեկատվություն հաղորդող վահանակներ չեն տեղադրում, քանի որ հնարավոր է թուրքերը վնասեն ծառերը: «Կսպասենք, որ ծառերը մի քիչ ամրանան, մեծանան, որ հանելը դժվար լինի, նոր նմանատիպ վահականեր կտեղադրենք», - ասել է նա, մեջբերում է Panorama.am-ը: Գերմանիայի հայ ակադեմիականների միության նախագահը նշել է, որ թուրքական լոբբին Գերմանիայում լավ է աշխատում: «Հայոց ցեղասպանության թեմաներով գրքերի շնորհանդեսները մշտապես խանգարում են: Շնորհանդեսները հիմնականում կազմակերպում ենք Բոխումի կենտրոնական գրադարանում: Վերջերս երբ ցանկանում էինք Պարույր Սևակի ստեղծագործությունների գերմաներեն թարգմանության շնորհանդեսը կազմակերպեինք նույն գրադարանում, տնօրենն ասաց, որ արդեն հոգնել է հայերի և թուրքերի միջև ընթացող վեճերից, հրաժարվում է Հայոց ցեղասպաության թեմաներով գրքերի շնորհանդեսներ կազմակերպել գրադարանում», - պատմել է օրդուխանյանը: Նա տեղեկացրել է, որ Գերմանիայում Օսմանյան կայսրությունում ցեղասպանված ազգերի ժառանգները միավորվել և ստեղծել են կազմակերպություն, որի նպատակն է աջակցել միմյանց և հասնել բոլոր ցեղասպանությունների ճանաչմանը, բարձրացնել իրենց քաղաքական պահանջները: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |