Թուրքիայի մասին ԵՀ զեկույցը նշել է բացասական միտումները տարբեր ոլորտներում10 նոյեմբերի 2015 - 14:21 AMT PanARMENIAN.Net - Եվրահանձնաժողովը հրապարակել է Եվրամիությանն անդամակցելու ճանապարահին Թուրքիայի առաջընթացի մասին ամենամյա զեկույցը` նշելով բացասական միտումները օրենքի գերակայության, խոսքի և հավաքների ազատության ոլորտներում, ինչպես նաև դատական համակարգի անկատարությունը: «Զեկույցը նշում է ընդհանուր բացասական միտումն օրենքի գերակայության և հիմնարար իրավունքների պահպանման հարցում: Զգալի թերություններ են հայտնաբերվել օրենսդիր համակարգում, ինչպես նաև խոսքի և հավաքների ազատության ոլորտում»,-ասվում է փաստաթղթում: Ներկայացնելով զեկույցը Եվրախորհրդարանում` հարևանության քաղաքականության և ընդլայնման բանակցությունների գծով եվրահանձնակատար Յոհաննես Հանը նշել է, որ «դա արտահայտվում է մասնավորապես լրագրողների և ԶԼՄ-ների հանդեպ ճնշում գործադրելու և ահաբեկելու մեջ, ինչպես նաև փոփոխություններում, որ ընդունվեցին համացանցը կարգավորվող օրենսդրության ոլորտում, ինչը թույլ է տալիս արգելափակել ԶԼՄ-ների բովանդակությունը»: Եվրահանձնակատարը դրական է արտահայտվել Սիրիայից և Իրաքից փախստականներին Թուրքիայի կողմից աջակցություն ցուցաբերելու վերաբերյալ: Զեկույցում նշվում է նաև անվտանգության հետ կապված իրավիճակի զգալի վատթարացումը: Եվրահանձնաժողովը նաև հորդորել է վերսկսել քրդական հարցի կարգավորումը, հայտնում է ՌԻԱ Նովոստին: Եվրամիությանն անդամակության թեկնածուի կարգավիճակ ունի 6 երկիր` Ալբանիան, Իսլանդիան, Մակեդոնիան, Սերբիան, Թուրքիան և Չերնոգորիան: Մարտին Իսլանդիայի իշխանությունները հայտարարեցին ԵՄ-ին միանալու հայտը հետ կանչելու մասին: Թուրքիան ԵՄ-ին անդամակցելու հայտ է ներկայացրել դեռ 1987-ին, իսկ 1999 թ. ստացել է թեկնածու երկրի կարգավիճակ, բանակցությունները սկսվել են 2005-ին: Սակայն 35 անհրաժեշտ պայմաններից Թուրքիան մինչ օրս բավարարել է միայն 14-ին, ընդ որում ամենամեծ առարկություններն առաջացնում է տարածքային վեճը Կիպրոսի հետ ու ժողովրդավարացման խնդիրները երկրի ներսում: 17 գլուխ դեռ փակ է մնում: 2014-ի հոկտեմբերի 16-ին Եվրահանձնաժողովը հրապարակեց ամենամյա զեկույցը ԵՄ-ին Թուրքիայի անդամակցության գործընթացի մասին՝ առաջարկելով վերսկսել բանակցություններն ու շտապեցնել Թուրքիային ժողովրդավարացման հարցում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի Միրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա |