Ռուսաստանի հեռուստաալիքները պահանջել են ադրբեջանական հեռուստաընկերություններից պահպանել հեղինակային իրավունքները

PanARMENIAN.Net - Ռուսաստանի հեռուստաալիքները կոչ են արել ադրբեջանական «B&BTV Communication» հեռուստաընկերությանը պահպանել օրենսդրությունը հեղինակային եւ հարակից իրավունքների ոլորտում: Ինչպես ասվում է «Առաջին ալիք» ԲԲԸ-ի, «ՆՏՎ հեռուստաընկերության» եւ այլ ընկերությունների համատեղ հայտարարության մեջ, դիմումի համար առիթ է հանդիսացել «Ադրբեջանում ռուսաստանյան հեռուստաալիքների հեռարձակման հեղինակային եւ հարակից իրավունքների կոպիտ խախտումը»: Ռուսաստանի հեռուստաալիքները պահանջել են շուտափույթ բանակցություններ անցկացնել այդ իրավուքների սեփականատերերի հետ անհրաժեշտ լիցենզիոն համաձայնագրերի կնքման վերաբերյալ` հեռուստատեսային ալիքների միջազգային տարբերակների հեռարձակման համար, նշում է «Ինտերֆաքս» գործակալությունը: