Թուրքիայում փարիզյան ահաբեկչության գործով կասկածյալ է ձերբակալվել21 նոյեմբերի 2015 - 13:06 AMT PanARMENIAN.Net - Թուրքիայի ոստիկանությունը ձերբակալել է ծագումով մարոկացի մի բելգիացու` Փարիզում ահաբեկչություններին մեղսակցության կասկածանքով, հայտնում է Reuters գործակալությունը թուրքական ԶԼՄ-ների վրա հղումով: Ըստ գործակալության, 26-ամյա Ահմեդ Դահմանին ձերբակալվել է Անթալիայի հյուրանոցներից մեկում: Նրան կասկածում են Փարիզի ահաբեկչության թիրախներն ընտրելու մեջ: Ֆրանսիայի մայրաքաղաք Փարիզում նոյեմբերի 13-ի երեկոյան 7 ահաբեկչական հարձակում է իրականացվել։ Ըստ վերջին տվյալների, «Բատակլան» թատրոնում, «Ստադ դե Ֆրանս» ստադիոնի մոտակայքում ու Փարիզի ևս 5 այլ կետում միաժամանակյա հարձակումների ընթացքում զոհվել է 132 մարդ։ Ֆրանսիայում նախագահի հրամանով ատրակարգ դրություն է հայտարարված: Ֆրանսիայի նախագահ Օլանդը պատերազմ է հայտարարել է ահաբեկչական «Իսլամական պետությանը», որը ստանձնել է հարձակման պատասխանատվությունը: Հյուրանոցից ոչ հեռու ոստիկանները ձերբակալել են Սիրիայի 2 քաղաքացու, որոնց, ըստ ոստիկանության կասկածների, ԻՊ ահաբեկչական խմբավորումը Սիրիա էր ուղարկել ապահովելու համար Դահմանի անվտանգ անցումը սահմանով: Կասկածյալները, հավանաբար, պետք է դիմավորեին Դահմանին, հայտնում է ՌԻԱ Նովոստին: Ավելի վաղ հայտնի դարձավ, որ Փարիզում ահաբեկչական գործողություններ իրականացրած Ահմադ Ալմոհամեդը, որը պայթեցրեց իրեն «Ստադ դե Ֆրանս» մարզադաշտի մոտ, Ֆրանսիա էր ժամանել Թուրքիայի տարածքով` որպես սիրիացի փախստական: Ավելի վաղ հայտնի դարձավ, որ ԻՊ 8 գրոհային է ձերբակալվել Ստամբուլի օդանավակայանում: Հարցաքննության ժամանակ պարզվեց, որ նրանք մտադիր էին ապօրինաբար մուտք գործել Գերմանիայի տարածք: Նրանք Ստամբուլ էին ժամանել Մարոկկոյի Կասաբլանկա քաղաքից որպես զբոսաշրջիկներ: Սակայն օդանավակայանի անվտանգության աշխատակիցները որոշել են ձերբակալել և հարցաքննել նրանց: Մինչդեռ «Իսլամական պետություն» (ԻՊ) ահաբեկչական կազմակերպության Թուրքիա փախած հրամանատար Սաիդը թուրքական Cumhuriyet թերթին պատմել է կազմակերպության հետախուզական աշխատանքների, Թուրքիայի հետ ունեցած սերտ հարաբերությունների և կազմակերպության թուրք զինյալների մասին: «Երկար ժամանակ ԻՊ-ի համար «բաց անցակետ»-ի ռեժիմ էր կիրառվում Թուրքիայի հետ սահմանին: Այս պահին արդեն Թել Աբյադը քրդերի ձեռքում է: Միայն Քիլիսի կողմից է հնարավոր զինյալներ անցկացնել»,-ասել էր նա: Photo. RIA Novosti Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |