Moody’s-ը Հայաստանի տնտեսության աճի տեմպերի 2,2% նվազում է կանխատեսում 2016-ի համար28 նոյեմբերի 2015 - 11:24 AMT PanARMENIAN.Net - Moody’s վարկանիշային գործակալությունը 2016 թ. Հայաստանի ՀՆԱ-ի աճը կանխատեում է 2,2 տոկոսի չափով, ինչը պայմանավորված է հայկական տնտեսության ցածր դիվերսիֆիկացմամբ, առևտրի վիճակի վատացմամբ և Ռուսաստանի կողմից ֆինանսական ռիսկերի առկայությամբ։ Ինչպես կարծում են գործակալության վերլուծաբանները, 2016-ին աճի վրա ճնշում կգործադրեն Հայաստանի ներքին ցածր պահանջարկն ու արտաքին խոցելիությունը, հայտնում է ԱՌԿԱ գործակալությունը։ «Հայաստանի թույլ ներքին պահանջարկը զսպում է սպառումն ու ներդրումները, իսկ Ռուսաստանի տնտեսական վիճակի վատացումը հանգեցրեց դրամական փոխանցումների կտրուկ նվազման։ Հաշվի առնելով այն, որ հանրապետություն իրականացվող դրամական փոխանցումները կազմում են ՀՆԱ-ի 15 տոկոս, ապա Հայաստանի վրա զգալիորեն ազդում են Ռուսաստանի տնտեսության ցիկլային փոփոխությունները», – կարծում են նրանք։ Ինչպես նշում է գործակալությունը, երկրի նվազ տնտեսական ցուցանիշները վկայում այն մասին, որ տնտեսության մեջ աճի նոր շարժիչ ուժերը դանդաղ են ի հայտ գալիս։ «Գործարար տրամադրվածությունը նվազ է, այն դեպքում, երբ մասնավոր հատվածի ներդրումները նախկինի պես «դուրս են քաշում» Հայաստանի տնտեսական ցուցանիշները։ Այդուհանդերձ, 2015 թ. տնտեսությունը սպասվածից ավելի լավ է զարգանում` հաշվի առնելով գյուղատնտեսության և լեռնահանքային արդյունաբերության ոլորտում գրանցված դրական դինամիկան», -նշում են Moody’s-ի վերլուծաբանները։ Այս կապակցությամբ 2015 թ. գործակալության վերլուծաբաններն ակնկալում են Հայաստանի տնտեսության նվազում` մինչև 2,5 տոկոս։ Moody’s–ը կանխատեսում է 2015-ին պետբյուջեի պակասուրդի աճ` մինչև ՀՆԱ–ի 4,2 տոկոս և պետական պարտքի ավելացում` մինչև ՀՆԱ–ի 48 տոկոս։ Իսկ հաջորդ տարի գործակալությունն ակնկալում է, որ պետբյուջեի պակասուրդը կնվազի մինչև 3,6 տոկոս։ Moody’s–ը նշում է, որ տնտեսական զսպող գործոններն արտաքին խոցելիության պատճառով կարող են շարունակվել, և դա կարող է բացասաբար ազդել կառավարության ծրագրերի վրա, որոնք վերաբերում են առաջիկա երկու տարում հարկային մուտքերի ավելացմանը։ Բացի այդ, գործակալության վերլուծաբանները կարծում են, որ Հայաստանի պարտքը մնում է առանձնահատուկ դյուրընկալ բացասական շոկերի աճի նկատմամբ, և եթե Ռուսաստանի հետ կապված ռիսկերն ավելի վատանան, ապա պարտքը կշարունակի կուտակվել։ Պետբյուջեի համաձայն` Հայաստանում ՀՆԱ–ի աճը 2015 թ.–ին նախատեսված է 4,1 տոկոսի չափով, գնաճը` 4 տոկոսի չափով (±1,5%)։ 2016 թ.–ի բյուջեի համաձայն` ՀՆԱ–ի իրական աճը նախատեսված է 2,2 տոկոսի չափով։ ՀՀ կենտրոնական բանկը կանխատեսում է Հայաստանի տնտեսական աճը 3,2–3,9 տոկոսի չափով, 2016 թ.–ին` 1,6-2,7 տոկոսի սահմանում։ Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |