Իրաքը կդիմի ՄԱԿ ԱԽ, եթե Թուրքիան դուրս չբերի զորքերը 7 դեկտեմբերի 2015 - 10:16 AMT PanARMENIAN.Net - Իրաքն իրեն իրավունք է վերապահում դիմել բոլոր հնարավոր միջոցներին, ներառյալ դիմելը ՄԱԿ Անվտանգության խորհրդին, եթե թուրքական զորքերը չլքեն երկրի տարածքը 48 ժամվա ընթացքում: Այսպիսի հայտարարություն է արել Իրաքի վարչապետ Հայդեր ալ Աբադին, հայտնում է ՌԻԱ Նովոստին: Ըստ Իրաքի իշխանությունների տեղեկությունների, դեկտեմբերի 4-ին թուրքական տանկային գումարտակլը մտել է Իրաքի Նինվեի գավառ` քուրդ աշխարհազորայիններին վարժեցնելու պատրվակով: Իրաքի ԱԳՆ-ն պահանջել է դուրս բերել թուրքական զորքերը` գնահատելով դա որպես ներխուժում և թշնամական «գործություն»: Իրաքի խորհրդարանի անվտանգության և պաշտպանության կոմիետի ղեկավար Հաքիմ ազ Զամլին հայտարարել է, որ թուրք զինվորականները հարձակման կարող են ենթարկվել, եթե չհեռանան երկրի տարածքից: Ինչպես ասվում է Ալ Աբադիի հայտարարության մեջ, «եթե զորքերը դուրս չբերվեն 48 ժամվա ընթացքում, Իրաքը կարող է դիմել ՄԱԿ ԱԽ»: Աբադին հավելել է, որ թուրքական ուժերը տեղակայվել են առանց Իրաքի իշխանությունների հետ համաձայնեցման և խախտել են երկրի ինքնիշխանությունը: Դեկտեմբերի 4-ին թուրքական իշխանությունները 130 զինվորական են գործուղել Մոսուլի շրջան` վարժեցնելու համար իրաքցի քրդերի մարտիկներին: «Թուրքիայի զինված ուժերը, որոնք տեղակայված էին Մոսուլի հարևանությամբ, ներխուժել են երկիր առանց համաձայնեցման և պետք է անհապաղ դուրս բերվեն»,-ասվում էր Իրաքի վարչապետի հայտարարության մեջ: Ավելի ուշ Reuters գործակալությունը ԱՄՆ ՊՆ-ում սեփական աղբյուրների վրա հղումով հայտարարեց, որ Թուրքիայի նախաձեռնությունը կապ չունի ԱՄՆ գլխավորած կոալիցիայի գործողությունների հետ, սակայն կոալիցիան զգուշացվել էր այն մասին, որ Թուրքիան զինուժ է ուղարկում այդ տարածք: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից |