Կոշտ թափոնների աղբավայրի շինարարության համար 24 մլն եվրո կհատկացվի. 3 կազմակերպության համաֆինանսավորմամբ11 դեկտեմբերի 2015 - 16:20 AMT PanARMENIAN.Net - Վերակառուցման և զարգացման եվրոպական բանկը (ՎԶԵԲ) Հայաստանին տրամադրում է 8 մլն եվրո գումարի չափով վարկ` ֆինանսավորելու Եվրոպական Միության (ԵՄ) չափանիշներին համապատասխանող կոշտ թափոնների աղբավայրի շինարարությունը Երևանում: Վարկը համաֆինանսավորվում է 8 միլիոն եվրո վարկով Եվրոպական ներդրումային բանկի (ԵՆԲ) կողմից և 8 միլիոն եվրո կապիտալ դրամաշնորհով Եվրամիության Հարևանության ներդրումային ծրագրի (ՀՆԾ) կողմից: Նոր աղբավայրը, որը գտնվելու է Նուբարաշենում` քաղաքի կենտրոնից 11 կմ հեռավորության վրա, կհամապատասխանի միջազգային չափանիշներին և կգործի որպես տնտեսապես կայուն միավոր կոշտ թափոնների կառավարման ժամանակակից համակարգերով` ընդգրկելով քաղաքային կոշտ թափոնների հավաքումն ու հեռացումը: Սա կերաշխավորի խոշոր բնապահպանական և սոցիալական օգուտներ Երևանի մոտ 1.1 մլն բնակիչների համար: Իրավաբանական համաձայնագրերը ստորագրվել են դեկտեմբերի 11-ին Երևանում ՀՀ ֆինանսների նախարարության, Երևանի քաղաքապետարանի և ՎԶԵԲ-ի միջև: Սա Հայաստանում երկրորդ ծրագիրն է աղբավայրերի ոլորտում. այն հետևում է Կոտայքի աղբավայրի ծրագրին, որի համաձայնագրերը ստորագրվել են 2014թ: Այս նոր ծրագիրը հաստատում է ՎԶԵԲ-ի հանձնառությունը` աջակցելու կառավարության պլաններին Հայաստանի թափոնների կառավարման համակարգի արդիականացման և այն եվրոպական չափանիշներին հասցնելու հարցերում: Ի լրումն ՎԶԵԲ-ի ֆինանսավորմանը, Ավստրիայի կառավարությունը տրամադրում է տեխնիկական համագործակցության միջոցներ ծրագրի նախապատրաստման համար, իսկ Չեխիայի Հանրապետության կառավարությունը տրամադրում է ներդրումին հաջորդող` դրամաշնորհային ֆինանսավորում գնումներին և մրցույթին աջակցելու նպատակով: Բացի այդ, շահագրգիռ կողմերի մասնակցության ծրագիրը և քաղաքապետարարնին աջակցության ծրագիրը կֆինանսավորվեն ՎԶԵԲ-ի` Վաղ անցումային շրջանի երկրների (ETC) հիմնադրամից: ՎԶԵԲ-ի երևանյան գրասենյակի ղեկավար Մարկ Դեյվիսն ասել է. «Մենք ուրախ ենք տեսնել Հայաստանում կոշտ թափոնների հերթական ծրագիրը, որը կհանգեցնի քաղաքի բնակիչների և երկրի շրջակա միջավայրի համար զգալի օգուտների: Կոշտ թափոնների կայուն ծառայությունների առավելությունների մասին հանրային իրազեկվածության բարելավումը այս ծրագրի անբաժանելի մաս է, և մենք շարունակելու ենք աշխատել ավելի լավ և առողջ միջավայր ստեղծելու ուղղությամբ: Մենք ակտիվորեն և արդյունավետ կերպով համագործակցում ենք Երևանի քաղաքապետարանի ղեկավարության հետ բազմաթիվ ոլորտներում, ինչը գերազանց արդյունքներ է տալիս թե′ ժողովրդին և թե′ երկրին», հայտնում է բանկի մամուլի ծառայությունը: 1992թ. Հայաստանի Հանրապետությունում իր գործունեության մեկնարկից ի վեր ՎԶԵԲ-ը ներդրել է ավելի քան 974 մլն եվրո 143 ծրագրերում երկրի ֆինանսական, կորպորատիվ, ենթակառուցվածքների և էներգետիկայի ոլորտներում, ընդ որում ներդրումների 86 տոկոսը մասնավոր հատվածում է արվել: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ծիծեռնակաբերդում Աննա Հակոբյանին առնչվող միջադեպով 1 անձի մեղադրանք է առաջադրվել Մյուսներն արգելանքից ազատ են արձակվել, քրեական հետապնդում չի հարուցվել Նարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Քոչարյանից պահանջում են բռնագանձել 25 անշարժ գույք, 5 տրանսպորտային միջոց, արժեթղթեր Պահանջն առնչվում է նրա հետ փոխկապակցված 7 անձի Միրզոյանը Կատարի իր պաշտոնակցին է ներկայացրել Ադրբեջանի հետ հարաբերությունների կարգավորման զարգացումները Հատուկ ուշադրություն է դարձվել տարածաշրջանային փոխկապակցվածության հարցերին |