Թուրքիան դուրս է բերում զորքն Իրաքից21 դեկտեմբերի 2015 - 10:47 AMT PanARMENIAN.Net - Թուրքիան դուրս է բերում իր զորքն Իրաքից: Այսպիսի հայտարարություն է տարածել Թուրքիայի ԱԳՆ-ն: «Հաշվի առնելով իրաքյան կողմի զգայունությունն ու ԻՊ դեմ պայքարի անհրաժեշտությունը` Թուրքիան շարունակում է դուրս բերել իր զորամիավորումներն Իրաքի հյուսիսից քանի որ դրանք թյուրըմբռնման առիթ են դարձել»,-ասվում է ԱԳՆ հայտարարության մեջ, հայտնում է ՌՒԱ Նովոստին: Ավելի վաղ ԱՄՆ նախագահ Բարաք Օբաման կոչ էր արել Թուրքիայի նախագահ Էրդողանին հարգել Իրաքի ինքնիշխանությունն ու տարածքային ամբողջականությունը և հատուկ միջոցներ ձեռնարկել մեղմելու համար լարվածությունը, այդ թվում դուրս բերելով թուրքական զորքն Իրաքի տարածքից: Հայտարարության մեջ ասվում է, որ Թուրքիան որպես միջազգային կոալիցիայի անդամ պատրաստ է համագործակցել Իրաքի հետ, որպեսզի սերտորեն համակարգի համատեղ ջանքերն ԻՊ հանդեպ հաղթանակի համար: Նշվում է, որ Թուրքիան հաստատում է իր աջակցությունն Իրաքի ամբողջականությանն ու ինքնիշխանությանը և ճանաչում է, որ Իրաքի կառավարության հետ թյուրըմբռնում է եղել երկրի հյուսիսում թուրքական զորակազմի տեղակայման հարցում: Դեկտեմբերի 18-ի երեկոյան ՄԱԿ ԱԽ-ն իրաքյան կողմի հարցումով նիստ է գումարել: Նիստում Իրաքի ԱԳՆ ղեկավար Իբրահիմ ալ Ջաֆարին խնդրել է Խորհրդին կատարել «օրինական միջազգային պարտավորությունները» և ընդունել «հստակ և պարզ բանաձև»: Դեկտեմբերի 4-ին թուրքական իշխանությունները 130 զինվորական են գործուղել Մոսուլի շրջան` վարժեցնելու համար իրաքցի քրդերի մարտիկներին: Զորակազմում ներգրավվծ է նաև զրահատեխնիկա: Բաղդադը գնահատել է դա որպես Իրաքի ինքնիշխանության խախտում: «Թուրքիայի զինված ուժերը, որոնք տեղակայված էին Մոսուլի հարևանությամբ, ներխուժել են երկիր առանց համաձայնեցման և պետք է անհապաղ դուրս բերվեն»,-ասվում էր Իրաքի վարչապետի հայտարարության մեջ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |