Հայաստանի եւ Իրանի համագործակցությունը բխում է ամբողջ տարածաշրջանի շահերից19 դեկտեմբերի 2006 - 17:27 AMT PanARMENIAN.Net - Oրերս Իրան այցի շրջանակներում Հայաստանի արտգործնախարար Վարդան Օսկանյանը հանդիպել է իր իրանցի գործընկեր Մանուչեհր Մոթթաքիի հետ, հայտնում է ՀՀ ԱԳՆ մամլո ծառայությունը: Հանդիպման ընթացքում զրուցակիցները գոհունակությամբ նշեցին, որ ՀՀ նախագահ Ռ. Քոչարյանի սույն տարվա հուլիսին Իրան կատարած այցից հետո հետեւողականորեն կյանքի են կոչվում ձեռք բերված պայմանավորվածությունները, մասնավորապես, Իրան-Հայաստան գազատարի, բարձր լարման էլեկտրահաղորդման երրորդ գծի, ինչպես նաեւ այլընտրանքային ճանապարհի շինարարության ծրագրերը: Շոշափվեցին նաեւ էներգետիկայի ոլորտում համագործակցության ընդլայնման հնարավորությունները: Բացի այդ, զրուցակիցները քննարկեցին երկկողմ եւ տարածաշրջանային հարցերի լայն շրջանակ: Գոհունակություն հայտնվեց հարաբերությունների ակտիվ զարգացման, տարբեր մակարդակներով երկկողմ շփումների առնչությամբ: Կարեւորելով երկկողմ միջկառավարական հանձնաժողովի աշխատանքը, Վարդան Օսկանյանն ու Մնուչեհր Մոթթաքին անդրադարձան գոյություն ունեցող առեւտրատնտեսական կապերին: Նշվեց, որ Հայաստանի եւ Իրանի բազմաբնույթ համագործակցությունը բխում է ոչ միայն երկու երկրների շահերից, այլեւ նպաստավոր է ամբողջ տարածաշրջանի համար: Այս առումով կողմերը առանձնացրեցին Հյուսիս-Հարավ առանցքի լիարժեք գործարկումը: Քննարկվեցին նաեւ միջազգային կազմակերպություններում համագործակցության խորացման հնարավորությունները: Նախարար Օսկանյանը ներկայացրեց վերջին զարգացումները Լեռնային Ղարաբաղի հակամարտության կարգավորման բանակցություններում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |