Նիքոլաս Բերնս. Բուշի վարչակազմը երբեք չի հերքել 1,5 միլիոն հայերի բնաջնջումը26 դեկտեմբերի 2006 - 16:24 AMT PanARMENIAN.Net - ԱՄՆ֊-ի փոխպետքարտուղար Նիքոլաս Բերնսը փաստել է, որ ԱՄՆ֊-ի վարչակազմը երբեք չի հերքել 1,5 միլիոն հայերի բնաջնջումը: «Հակառակ որոշ պնդումների` ոչ դեսպանի Հայաստանում ԱՄՆ պաշտոնին առաջադրված Հոգլանդը, ոչ էլ վարչակազմը երբեք չեն նսեմացրել կամ հերքել այն փաստը, որ Օսմանյան կայսրության վերջին տարիներին 1,5 միլիոն հայ է բնաջնջվել եւ բռնի տեղահանվել»,֊ - գրել է Բերնսը մի նամակում, որն այսօր մեջբերել է «Ասոշիեյթեդ փրես»-֊ը: Գործակալությունը խոստովանում է, որ նամակը ստացել է սենատոր Ռոբերտ Մենենդեսի օգնականից, որը չի ցանկացել նշել իր անունը, քանզի վարչակազմը դեմ է եղել նամակի հրապարակմանը: Մենենդեսը եւ Սենատում դեմոկրատների առաջնորդ Հարի Ռեյդը դիմել էին պետքարտուղար Քոնդոլիզա Ռայսին` խնդրելով հետ կանչել Հոգլանդի թեկնածությունը: «Ողջ դիվանագիտական ծառայության համար ամոթ կլինի, եթե դեսպանի պաշտոնին առաջադրված Հոգլանդը, որը փորձառու դիվանագետի հիանալի կենսագրություն ունի, չհաստատվի` դեսպան Էվանսի հետ կապված տարաձայնությունների պատճառով»,֊ - նշված է Բերնսի նամակում: «Ասոշիեյթեդ փրես»֊-ը նաեւ մեջբերում է դեմոկրատ կոնգրեսական Ադամ Շիֆին, որն ասել է. -֊ «Կարծում եմ, վերջին տասնամյակում մենք ամենալավ շանսն ունենք Հայոց ցեղասպանության վերաբերյալ բանաձեւն ընդունելու համար»: Նշվում է նաեւ, որ նորընտիր Կոնգրեսի ստորին պալատի ղեկավարն է լինելու դեմոկրատ Նենսի Փելոսին, որն իր խոսնակի վկայությամբ, շարունակում է սատար կանգնել Հայոց ցեղասպանությունը ճանաչող բանաձեւին, հաղորդում է «Ազատություն» ռադիոկայանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Փաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի ՔԿ․ Սոցցանցի միջոցով բռնությունն արդարացնելու և քարոզելու դեպքով քրվարույթ կա Միջոցներ են ձեռնարկվում գրառման հեղինակին հայտնաբերելու ուղղությամբ «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի Վարչապետը կատակել է` կուզեր, որ Հայաստանը 2024–ին դառնա ԵՄ անդամ Մոդերատորը վարչապետին հարցրել է, թե ո՞ր թվականին կցանկանար տեսնել Հայաստանի անդամակցումը Եվրոպական Միությանը |