Փամուկ. ԵՄ-ն աչք է փակում Թուրքիայում ժողովրդավարության վիճակի վրա 1 փետրվարի 2016 - 12:17 AMT PanARMENIAN.Net - Նոբելյան մրցանակի դափնեկիր, հայտնի թուրք գրող Օրհան Փամուկը քննադատել է Եվրամիության դիրքորոշումը Թուրքիայում ժողովրդավարական իրավունքների և ազատությունների հարցում: Գրողի հետ հարցազրույցը հունվարի 31-ին հրապարակել է Hurriyet Daily News թերթը: «Նրանք մոռացել են իրենց բոլոր արժեքները: ԵՄ-ն աչք է փակում Թուրքիայում ժողովրդավարության վիճակի և մամուլի ազատության վրա` միգրացիոն ճգնաժամի հարցում գործակցելու պատճառով: Միգրացիոն ճգնաժամն ու պայքարն «Իսլամական պետության» դեմ «կապել են Եվրոպայի ձեռքերը»,-ասել է նա: Փամուկը համեմատել է ԵՄ վերաբերմունքը Թուրքիային, ժամանակին Սաուդյան Արաբիային Արևմուտքի վերաբերմունքի հետ: «Նրանք մեզ ընկալում են այնպես, ինչպես նախկինում ընկալում էին Սաուդյան Արաբիան` եթե Թուրքիան անում է այն, ինչ մեզ հարկավոր է, ապա մեզ համար միևնույն է, թե երկրի ներսում ինչ է կատարվում»,-ասել է նա, հայտնում է ՏԱՍՍ-ը: Փամուկը նաև քննադատել է իշխանությունների դիրքորոշումը Cumhuriyet-ի գլխավոր խմբագիր Ջան Դյունդարի և Անկարայի թղթակից Էրդեմ Գյուլի հարցում, որոնք ձերբակալվել են Սիրիա զենք տեղափոխող բեռնատարների նկարները հրապարակելու համար: Նրանք մեղադրվում են լրտեսության և պետական դավաճանության մեջ, նրանց ցմահ բանտարկություն է սպառնում: Թուրքական դատախազությունը մեղադրական եզրակացություն է ներկայացրել 2015-ի նոյեմբերին ձերբակալված ընդդիմադիր Cumhuriyet թերթի գլխավոր խմբագիր Ջան Դյունդարին և Անկարայի թղթակից Էրդեմ Գյուլին: Ժողովրդավարական երկրներում մարդիկ չպետք է թութակի նման կրկնեն ընտրություններում հաղթած կուսակցության կարծիքը: Հնարավոր չէ նստել ու վեպ գրել, երբ Ջոն Դյունդարը բանտում է»,-ասել է նա: Օրհան Փամուկը թուրք մտավորականության այն սակավաթիվ ներկայացուցիչներից է, որոնք բացահայտորեն ճանաչում են Հայոց ցեղասպանությունը: 2005 թ. Փամուկը շվեյցարական թերթին տված հարցազրույցում հայտարարեց. «Թուրքիայում մոտ 1 միլիոն հայ և 300 հազար քուրդ է սպանվել: Այդ մասին ոչ ոք չի խոսում, իսկ ինձ ատում են դրա մասին խոսելու համար»: Դրանից հետո գրողի համար խնդիրներ առաջացան հայրենիքում, նա մեղադրվեց թուրքերի ինքնությունը ոտնահարելու ու նրանց զգացմունքները վիրավորելու մեջ: 2007-ին, Նոբելյան մրցանակ ստանալուց մեկ տարի անց, Փամուկը ստիպված եղավ հեռանալ Թուրքիայից և հաստատվել ԱՄՆ-ում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |