Իրանը հրաժարվել է սառեցնել նավթի արդյունահանումը17 փետրվարի 2016 - 13:42 AMT PanARMENIAN.Net - Իրանի իշխանությունները հայտարարել են, որ տրամաբանական չեն համարում նավթի արդյունահանման մակարդակի սահմանափակումը, որի վերաբերյալ փետրվարի 16-ին համաձայնության են եկել Դոհայում ՌԴ և ՕՊԵԿ 3 երկրի ներկայացուցիչները: Ըստ պաշտոնյաների, որոնք պատասխանատու են ՕՊԵԿ-ի հետ Իրանի փոխգործակցության համար, երկրներից շատերը ավելացրել են նավթի արդյունահանման մակարդակն այն ժամանակ, երբ Թեհրանը Արևմուտքի պատժամիջոցների տակ էր: Այժմ, երբ այդ պատժամիջոցները չեղարկվել են, արդեն Իրանն է մտադիր ավելացնել արդյունահանման մակարդակը: Թեհրանի որոշումն անհնար է դարձնում Դոհայում ստորագրված համաձայնագրի իրականացումը, քանի որ այնտեղ որպես պարտադիր պայման է նշված, որ ՕՊԵԿ բոլոր անդամ երկրները ևս պետք է իրենց համաձայնությունը տան այդ միջոցներին: Ընդ որում, չի բացառվում, որ բանակցությունները կշարունակվեն: ՕՊԵԿ անդամ որոշ այլ երկրներ արդեն սատարել են համաձայնությանը: Մասնավորապես, համաձայնությանը միանալու մասին հայտարարել է Քուվեյթը: Երկրի նավթի նախարարության տվյալներով, Քուվեյթը պատրաստ է սառեցնել նավթի արդյունահանումը օրական 3 մլն բարել մակարդակի վրա: Սակայն, նա կանի դա միայն այն դեպքում, եթե համաձայնությունը հնարավոր լինի իրականացնել ՕՊԵԿ բոլոր անդամների մասնակցությամբ, հայտնում է BBC-ի ռուսական ծառայությունը: Համաձայնագիրը ստորագրել են Ռուսաստանի, Քաթարի, Սաուդյան Արաբիայի և Վենեսուելայի էներգետիկայի նախարարությունների ներկայացուցիչները: Այդ երկրները միասին արդյունահանում են նավթի համաշխարհային պաշարների մոտ մեկ քառորդը: 2015-ի վերջից սկսած նավթի գները ռեկորդային ցածր մակարդակում են մնում: Պարբերաբար տեղի են ունենում աննշան շեղումներ դեպի թանկացում, սակայն դա չի փոխում ընդհանուր միտումը: 2015-ի ավարտին տեղի ունեցած որոշ խորհրդակցությունների ժամանակ եղան առաջարկներ, որ յուրաքանչյուր արտահանող երկիր նվազեցնի արդյունահանումը 5%-ով, սակայն դրա համար հարկավոր էր բոլոր երկրների համաձայնությունը: Սակայն նավթի գներն անդադար նվազում են, 2016-ին Brent տեսակի նավթի գինն արդեն չի հասնում 30 դոլարի: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |