ԱՄՆ-ի կոչը Թուրքիային. «Դադարեցրեք ռմբակոծել Սիրիայի քրդերին»23 փետրվարի 2016 - 15:45 AMT PanARMENIAN.Net - Սիրիայում հրադադարի պայմանավորվածության ձեռքբերումից անմիջապես հետո ԱՄՆ-ն կոչով դիմել է Թուրքիային՝ դադարեցնելու Սիրիայում քուրդ զինյալներին պատկանող թիրախների ռմբակոծությունը: ԱՄՆ-ի պետքարտուղարության մամուլի խոսնակի օգնական Մարկ Թոները պատասխանել է Սիրիայում զինադադարին և թուրքական կողմի ռմբակոծութուններին վերաբերող հարցերին: Փետրվարի 22-ին ԱՄՆ-ի և Ռուսաստանի իշխանությունների միջև ձեռք է բերվել համաձայնություն՝ Սիրիայում զինադադար հայտարարելու մասին: Թուրքական Hürriyet թերթի կայքի տեղեկացմամբ՝ «թշնամանքի դադարեցմանն» ուղղված պայմանագիրն ուժի մեջ կմտնի փետրվարի 26-ին՝ Սիրիայի ժամանակով ուղիղ կեսգիշերին: Թոները նշել է, որ իրենք որևէ կապ չեն տեսնում «Քուրդիստանի բանվորական կուսակցության» (ՔԲԿ-PKK) և Սիրիայի «Ժողովրդավարական միություն կուսակցության» (ԺՄԿ-PYD) միջև: «Մենք հասկանում ենք Թուրքիայի մտահոգությունները՝ կապված PKK-ի և ահաբեկչությունների հետ: Նա ունի ինքնապաշտպանության իրավունք: Սակայն ցանկանում ենք, որ դադարեցվեն սեփական երկրի սահմաններից այն կողմ ռմբակոծությունները: Տարածաշրջանում լարվածությունը մեծացնելը կառուցողական չէ»: Թոները հավելել է, որ իրենք նաև Սիրիայի քրդական «Ժողովրդական ինքնապաշտպանական ուժերից» (ԺԻՈՒ-YPG) են պահանջել դադարեցնել Հալեպի շրջանում լարվածության սաստկացմանն ուղված գործողությունները: ԱՄՆ պետքարտուղարության խոսնակի օգնականն ընդծել է, որ իրենց դիրքորոշումը Թուրքիայի կողմից ռմբակոծությունների դադարեցման հարցում շատ հստակ է, գրում է Ermenihaber.am-ը: ԱՄՆ-ի պետքարտուղարությունն ավելի վաղ էլ բազմիցս հանդես է եկել Թուրքիային ուղղված նման կոչով: Իսկ անցյալ շաբաթ տեղի ունեցած Բարաք Օբամա-Ռեջեփ Թայիփ Էրդողան հեռախոսազրույցի ժամանակ ԱՄՆ նախագահն անձամբ էր այս պահանջը հաղորդել թուրք պաշտոնակցին: Փետրվարի 16-ին Եվրամիության (ԵՄ) արտաքին գործերի և անվտանգության քաղաքականության հարցերով գերագույն ներկայացուցիչ Ֆեդերիկա Մոգերինին Թուրքիային կոչ է արել դադարեցնել Սիրիայում քրդական «Ժողովրդի պաշտպանության ուժերի» (ԺՊՈւ-YPG) դիրքերի հրետակոծությունը: Իսկ փետրվարի 15-ին Ֆրանսիան կոչ է արել Թուրքիային դադարեցնել հրետակոծությունները՝ ուղղված Սիրիայի «Ժողովրդավարական միություն կուսակցության» (ԺՄԿ-PYD) ռազմական թև հանդիսացող «Ժողովրդի պաշտպանության ուժերի» (ԺՊՈւ-YPG) դիրքերին: Թուրքական բանակը գնդակոծել էր Սիրիայի տարածքը` Միննեհ ավիաբազայի հատվածումփետրվարի 13-ին: Կրակի տակ են հայտնվել Դեր Ջամալ քաղաքը Հալեպի գավառի հյուսիսում և Լաթաքիայի շրջաններից մեկը Փետրվարի 14-ին երեկոյան Թուրքիայի զինված ուժերը (ԶՈՒ) Fırtına տեսակի թուրքական հաուբիցներով հրետակաոծել են թուրք-սիրիական սահմանամերձ Ազեզ քաղաքի հարավարևելյան Մարանաս շրջանը, որտեղ գտնվում էին Սիրիայի քրդական ուժերի զինանոցները: Փետրվարի 15-ին Թուրքիան կրկին գնդակոծել է քուրդ կամավորականների դիրքերը Սիրիայի հյուսիսում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ՀՀ-ն կողմ է քվեարկել է ՄԱԿ-ում Պաղեստինի իրավունքների ընդլայնման բանաձևին Բանաձևին կողմ են քվեարկել նաև Ռուսաստանը, Իրանը, Ադրբեջանը, Թուրքիան ԵՄ դեսպան․ Խաղաղության եվրոպական հիմնադրամից ՀՀ-ին միջոցների տրամադրման քննարկումները շարունակվում են ԵՄ դեսպանի խոսքով՝ դեռ չափազանց վաղ է այս փուլում մանրամասների վերաբերյալ խոսելը Էջմիածնից 6 բերման ենթարկված կա զենք–զինամթերք պահելու կասկածանքով Ըստ շարժման, բերման են ենթարկվել «Էջմիածին» դաշինքի ավագանու անդամները, որոնք պատրաստվում էին դիմավորել Փաշինյանին Հունահայոց կազմակերպությունները զորակցություն են հայտնել «Տավուշը հանուն հայրենիքի» շարժմանը «Թափ առած շարժումը ուղղակի մերժումն է ժողովուրդին կողմից՝ իր հաշվին կայացվող որոշումների»,–ասվում է հայտարարության մեջ |