Տիգրան Համասյանը` հեղինակավոր ECHO Jazz Awards 2016-ի հաղթող

20 ապրիլի 2016 - 18:04 AMT

PanARMENIAN.Net - Հայտնի դաշնակահար, կոմպոզիտոր Տիգրան Համասյանը հայտնի ամերիկացի ջազ-դաշնակահար Բրեդ Մելդաուի և Ջեյսմ Ֆարմի ջազ քառյակի հետ միասին ECHO Jazz Awards 2016 հեղինակավոր մրցանակի հաղթող է ճանաչվել:

Տիգրան Համասյանն արժանացել է «Տարվա միջազգային ինստրումենտալիստ» (դաշնամուր) մրցանակին Mockroot ալբոմի համար: Ալբոմում ներառված են ինչպես Համասյանի ստեղծագործությունները, այնպես էլ հայկական ժողովրդական երաժշտություն նրա գործիքավորմամբ:

Գերմանական Deutsche Phono ձայնագրության ակադեմիայի սահմանած ECHO Jazz Awards-ն անցկացնում է 1992-ից սկսած, ամեն տարի:

ECHO Jazz Awards 2016 պարգևատրման հանդիսավոր արարողությունը տեղի կունենա մայիսի 26-ին Համբուրգում:

Տիգրան Համասյանը ծնվել է 1987 թվականին Գյումրիում: Դեռ մանուկ հասակից շատ է սիրել երաժշտությունը։ Այդ հետաքրքրությունը նրա մոտ երկու տարեկանից է ծագել։ Երաժշտական գործիքները նրան ավելի էին գերում, քան խաղալիքները։ Յոթ տարեկանում ավելի է արտահայտվում նրա սերը ջազի նկատմամբ, իսկ կարևորագույն զբաղմունքներից մեկը դառնում ջազ լսելը։

Հետագայում Տիգրանի ծնողները տեղափոխվում են Երևան, և նա ավելի մեծ հնարավորություն է ունենում երաժշտությամբ լրջորեն զբաղվելու համար։ Ջազին ժամեր հատկացնելով՝ փորձում է գտնել ամենահոգեհարազատ տարրերն այդ բնագավառում։ Շուտով սկսում է ստեղծագործել, և տարիքի հետ էլ ավելի է մեծանում նրա սերն ու վարպետությունը։

2015-ին Տիգրան Համասյանի «Լոյս ի Լուսոյ» նախագծին ծանոթացան եվրոպական տարբեր երկրներում: Ապրիլի 17-ից մինչև մայիսի 30-ը նա համերգ է տվել Բելգիայի, Չեխիայի, Ֆրանսիայի, Ռուսաստանի, Շվեյցարիայի, Լյուքսեմբուրգի, Իտալիայի, Գերմանիայի եկեղեցիներում ու համերգասրահներում, և հանդիսատեսի 98%-ն օտարերկրացիներ էին, որոնք գալիս էին լսելու ու ծանոթանալու իր մշակած հայկական հոգևոր երաժշտությանը: «Բոլոր համերգների ժամանակ դահլիճը լեփ լեցուն էր: ։

Հղումներ թեմայով.

Nonsuch Records: Brad Mehldau, James Farm, Tigran Hamasyan Win ECHO Jazz Awards