Հայոց ցեղասպանությունը հերքող թուրք ազգայնամոլի նկատմամբ դատավճիռը կկայացվի մարտի 9-ին 7 մարտի 2007 - 18:23 AMT PanARMENIAN.Net - Մարտի 9-ին Շվեյցարիայի Լոզան քաղաքի դատարանը վճիռ կկայացնի Թուրքիայի աշխատավորական կուսակցության ղեկավար Դողու Փերինչեքի նկատմամբ, որը մեղադրվում է Հայոց ցեղասպանությունը ժխտելու մեջ: Ըստ Շվեյցարահայ միության համանախագահ Սարգիս Շահինյանի, թուրքական կողմը դատարան էր եկել պատրաստված: «Նրանք բերել էին իրենց հետ վկաների` պրոֆեսորներ Նորման Սթոունին, Ջասթին ՄըքՔարթիին, Պաուլ Լայդենգերին եւ Ժան Միշել Թիբոյին: Վերջինս այն պատմաբանն է, որ ֆրանսիական Սենատի Հայոց ցեղասպանության ժխտման վերաբերյալ օրինագծի ընդունումից հետո հրաժարվել էր Ֆրանսիայի քաղաքացիությունից եւ Թուրքիայի քաղաքացիություն էր խնդրել»,- նշել է Շահինյանը: Հայկական կողմի փաստարկները դատարանում ներկայացնում էին Թեսսա Հոֆմանը, Իվ Թերնոնը եւ Ռայմոնդ Գեւորգյանը: Սարգիս Շահինյանը ասաց, որ Փերինչեքի վկաները փորձում էին ապացուցել, որ ցեղասպանություն չի եղել, որ թուրքական կառավարությունը չէր կարող մի քանի ամսվա ընթացքում պլանավորել եւ իրականացնել ցեղասպանություն: «Հայկական կողմը ներկայացնող պատմաբանները, բնականաբար, հակադարձել են իրենց փաստարկներով: Դատավարությունը վերածվել է պատմական վիճաբանության, եւ դատավորները փաստորեն լսում էին պատմաբանների ներկայացրած փաստարկները: Դատավճիռը կարող է նախադեպ դառնալ, սակայն դա մեր նպատակը չէր: Մենք ուզում էինք, որ զուտ շվեյցարական օրենսդրություն խախտումը դատապարտվեր: Դատավճիռը կկայացվի ուրբաթ օրը, եւ միայն այդ ժամանակ պարզ կդառնա, թե իրենք ինչ կարեւորություն կտան մեկ եւ մյուս կողմին»,- ընդգծել է Շահինյանը: Նշենք, որ պետական դատախազը պահանջել է 6 ամսվա ազատազրկման ենթարկել Դողու Փերինչեքին, հաղորդում է «Ազատություն» ռադիոկայանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Օհանյան․ Անհապաղ պետք է բեկում մտցնել սահմանազատման այս գործընթացի մեջ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Կոնգրեսում կոչ են արել $200 մլն հատկացնել ԼՂ-ից տեղահանվածներին և օգնել ՀՀ–ին պաշտպանվել Ադրբեջանի ագրեսիայից Նրանք նաև կոչ են արել դադարեցնել Ադրբեջանին ցանկացած ռազմական օգնության Ոստիկանները փակել են Կիրանցի ճանապարհը․ Բագրատ Սրբազանին ևս չեն թողնում գյուղ մտնել Սրբազանն, անդրադառնալով վարչապետի հարցազրույցին, ասել է, թե վերջինս «ծայրից ծայր սուտ է ասում» ՆԳՆ-ն հերքում է լուրերը, թե Տավուշից բերման ենթարկվածներին ծեծել են Նշվում է, որ տեղեկությունը չի համապատասխանում իրականությանը |