ԵՄ-ն հետաձգել է Վրաստանի հետ վիզաների չեղարկումը. Նույնը կարող է արվել Թուրքիայի դեպքում

PanARMENIAN.Net - Բրյուսելում ԵՄ ներկայացուցիչները քննարկել են Վրաստանի հետ առանց մուտքի արտոնագրերի ռեժիմ սահմանաելու հնարավորությունը, սակայն արդյունքում հետաձգել են այդ հարցի լուծումը: Վրաստանի համար վիզաների չեղարկմանը դեմ էին Գերմանիան և Ֆրանսիան, գրում է Deutsche Welle-ն Reuters-ի վրա հղումով:

Ըստ դիվանագետներից մեկի, խոսքը ոչ թե գործընթացն ընդհանրապես կասեցնելու մաիսն է, «այլ ուղղակի ավելի զգուշավոր լինելու»: Մասնավորապես, Բեռլինը վրացական խմբավորումներին մեծ ազդեցություն է վերագրում ԳԴՀ կազմակերպված հանցավորության վրա: ԵՄ-ում մտավախություն ունեն, որ միգրանտների հոսքը կավելանա, նշել է դիվանագետը:

79 մլն բնակչություն ունեցող Թուրքիան ևս առանց մուտքի արտոնագրերի ռեժիմ է ակնկալում ԵՄ հետ, սակայն հազիվ թե հասցնի մինչև հունիսի ավարտը կատարել բոլոր 79 պահանջը, որ ներկայացրել է ԵՄ-ն որպես անհրաժեշտ պայման: Չնայած փախստականների հարցով գործարքին` բանակցությունները փակուղի են մտել, քանի որ Թուրքիան հրաժարվում է փոխել հակաահաբեկչական օրեսնդրությունը:

Ավելի վաղ հայտնի դարձավ, որ ԳԴՀ կառավարությունը այլևս չի կարծում, որ Թուրքիայի համար մուտքի արտոնագրերի ռեժիմը կչեղարկվի 2016-ի հուլիսի 1-ից, քանի որ Անկարան արդեն չի հասցնի կատարել բոլոր անհրաժեշտ պայմանները:

Մեծ Բրիտանիայի վարչապետ Դեվիդ Քեմերոնը ITV հեռուստաընկերությանը տվված հարցազրույցում մայիսի 23-ին ասել է, որ Թուրքիան չի դառնա Եվրոպական միության անդամ ավելի վաղ, քան 3000 թվականին, եթե Անկարայի ու Բրյուսելի միջև բանակցությունները շարունակվել ընթացիկ տեմպով:«Նույնիսկ ծրագրերում որևէ հավանականություն չկա, որ Թուրքիան կմտնի Եվրամիություն: Երկիրը դիմումը ներկայացրել է 1987 թվականին: Նման տեմպերով նրանք, միգուցե, ԵՄ անդամ դառնան 3000 թվականին», - ասել է նա: Թուրքիայի փոխվարչապետ Նուման Քուրթուլմուշն ամոթալի էր համարել հայտարարություններն այն մասին, որ երկիրը Եվրամիությանը կանդամակցի 3000 թվականից ոչ վաղ: