Ֆիրդուսի բնակիչները բնակարան կամ փոխհատուցում են պահանջում 9 հունիսի 2016 - 13:41 AMT PanARMENIAN.Net - Ֆիրդուսի 33-րդ թաղամասի բնակիչները կրկին կառավարության շենքի դիմաց էին նույն պահանջով՝ տրամադրել իրենց խոստացված բնակարանները կամ գումարային փոխհատուցումը: Բնակիչներից Օֆելյա Զաքարյանը նշել է, որ իրենց բնակարանները գերակա շահ են ճանաչվել ու քանդվել, իսկ կառուցապատումը հանձնվել «Գրենդել Հիլզ» ընկերությանը: Ընկերության հետ 2008-ին պայմանագիր է կնքվել` ըստ որի 2011-ին բնակիչները պետք է բնակարաններ ստանային, սակայն մինչ այսօր ոչ ոք բնակարան չի ստացել. «Մարդիկ հավատացին, որ շուտով նույն տեղում երկու նոր բնակելի շենք պետք է կառուցվի, սակայն տարիների ընթացքում պարզ դարձավ, որ ոչինչ էլ չի կառուցվում և մոտ 130 ընտանիք այսօր մնացել է բնակարան ունենալու խնդրի առջև կանգնած»: Բնակչները վարչապետի հետ հանդիպում են պահանջում, գրում է Panorama.am-ը: «Մեզ Նորք-Մարաշի քարուքանդ տներից են առաջարկում, դա չենք ուզում, թող մեր գումարները վճարեն, մենք գնանք մեզ համար բնակարաններ գնենք: Ինը տարի է արդեն վարձով ենք մնում»,- ասել է բնակիչներից Անուշ Առաքելյանը: Հանրապետության հրապարակի հարևանությամբ գտնվող 5 հեկտարից ավելի տարածքում` Ֆիրդուսի շուկայի տարածքի կամ 33-րդ թաղամասի տեղում, նախատեսվում է կառուցել 85 մ տրամագծով կլոր հրապարակ, մի շարք նոր փողոցներ, հասարակական և սպասարկման օբյեկտներ, բիզնես կենտրոններ և հյուրանոցներ: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը |