Լավրով-Չավուշօղլու հանդիպում. Կվերսկսվի ահաբեկչության դեմ պայքարի աշխատանքային խմբի աշխատանքը 2 հուլիսի 2016 - 14:08 AMT PanARMENIAN.Net - Հուլիսի 1-ին Սոչիում տեղի է ունեցել ՌԴ և Թուրքիայի արտգործնախարարներ Սերգեյ Լավրովի և Մևլութ Չավուշօղլուի առաջին հանդիպումը թուրքերի կողմից ռուսական ինքնաթիռի խոցումից և հարաբերությունների վատթարացումից հետո: Բանակցություններն անցել են փակ ձևաչափով: Լավրովի և Չավուշօղլուի բանակցությունները տեղի են ունեցել Սոչիում ընթացող ՍԾՏՀ ԱԳՆԽ նիստի շրջանակում: Նիստին մասնակցել են 12 անդամ պետության և ևս տասնյակ դիտորդ երկրների ներկայացուցիչներ: Զրույցի ավարտին ԱԳ նախարարները հայտարարել են, որ մտադիր են կարգավորել երկկողմ հարաբերությունները, ինչպես նաև վերսկսել ահաբեկչության դեմ պայքարի աշխատանքային խմբի գործունեությունը: Մևլութ Չավուշօղլուն հայտարարել է, որ Թուրքիայի նախագահ Էրդողանը պատրաստ է հանդիպել Ռուսաստանում նախագահ Պուտինի հետ Չինաստանում կայանալիք G20 գագաթնաժողովից ավելի շուտ, հայտնում է Lenta.ru-ն: Թուրքիայի ԱԳ նախարարը հայտարարել է նաև, թե ՌԴ և Թուրքիայի դիրքորոշումներն այն հարցում, թե Սիրիայում ում համարել ծայրահեղական, համընկնում են: Լավրովն իր հերթին ասել է, որ ըստ ՄԱԿ ԱԽ բանաձևերի ահաբեկչական խմբավորումներ են համարվում ԻՊ-ն, «Ջեբհաթ ան Նուսրան» և նրանց հետ կապված խմբավորումները: «ՌԴ-ն և Թուրքիան շահագրգռված են, որ կառուցողական ընդդիմությունը, որը դեռ գտնվում է ահաբեկիչների վերահսկվող տարածքներում, որքան հնարավոր է շուտ հանի այնտեղից իր ջոկատները: Հակառակ դեպքւմ նրանք կդիտարկվեն որպես «Ան Նուսրայի» հանցակիցներ»,-ասել է Լավրովը: Թուրքիան ներողություն է խնդրել Ռուսաստանից խոցված ռմբակոծիչի համար, Մոսկվան միջոցներ է ձեռնարկում վերականգնելու համար երկկողմ համագործակցությունը երկրների միջև:Հուլիսի 1-ին ՌԴ նախագահ Վլադիմիր Պուտինը հրամանագիր է ստորագրել դեպի Թուրքիա զբոսաշրջային ուղևորությունների արգելքը հանելու վերաբերյալ: 2016-ի սկզբից Թուրքիա էր այցելել ընդամենը 138.000 ռուս զբոսաշրջիկ, ինչը մոտ 83%-ով պակաս է 2015-ի նույն ժամանակահատվածից: 2015-ին այդ թիվը հասնում էր 802.000-ի: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |