Ադրբեջանն երբեք հնարավորություններ եւ պայմաններ չի ստեղծի իր տարածքը երրորդ ուժերի կողմից հարեւան պետությունների դեմ օգտագործելու համար: Այդ մասին ասվում է Ադրբեջանի պաշտպանության նախարարության շաբաթ օրը տարածած հայտարարության մեջ: Հայտարարության մեջ նշվում է, որ լինելով միջազգային կոալիցիայի անդամ, Բաքուն իր օդային տարածքը տրամադրեց հակաահաբեկչական գործողությանն աջակցելու համար: Սակայն Ադրբեջանը մտադիր չէ իր տարածքը տրամադրել հարեւանների դեմ ուղղված գործողությունների համար, հաղորդում է Day.az-ը:

Հիշեցնենք, որ ԱՄՆ պետքարտուղարի տեղակալ Մեթյու Բրայզան, լինելով Թբիլիսիում, հայտարարել էր, որ Միացյալ Նահանգները կցանկանային անհրաժեշտության դեպքում հնարավորություն ունենալ օգտագործել Ադրբեջանի օդակայանները: