Թուրքիայում հեղաշրջման փորձի հետքերով ձերբակալվածների թիվը մոտենում է 3000-ի (Թարմացվող)16 հուլիսի 2016 - 10:42 AMT PanARMENIAN.Net - Հուլիսի լույս 16-ի գիշերը հայտնի դարձավ Թուրքիայում պետական հեղաշրջման փորձի մասին: Անկարայում և Ստամբուլում ավիացիայի ու տանկերի կիրառմամբ բախումներ են տեղի ունեցել: Թուրք զինվորականների խումբը հայտարարել է երկրում ռազմական հեղաշրջման, Էրդողանին իշխանությունից հեռացնելու մասին, սակայն ապստամբ զինվորականների գործողությունները ձախողվել են: PanARMENIAN.Net ը շարունակում է հետևել Թուրքիայում զարգացումներին: 16:20 Թուրքիայում ձերբակալված է 2839 մարդ, հայտնում է Telegraph-ը՝ հղում անելով վարչապետ Յըլդըրըմին: 16:01 ՀՀ ԱԳՆ-ն մեկնաբանել է հեղաշրջման փորձը, նշելով, որ « Թուրքիայում կայունությունը կարևոր է տարածաշրջանի համար» 15:32 Հայաստանից Թուրքիա մեկնող ավտոբուսները կասեցնում են ուղևորությունները: 15:28 Շըրնաքում 300-ից ավել թուրք զինվոր է ձերբակալվել. նրանց թվում են կապիտաններ և մայորներ, հայտնում է Hurriyet-ը:
15:09 Թուրքիայում պետական հեղաշրջման մասնակիցների թվում է Սու-24-ը խոցած օդաչուն, հայտարարել է Անկարայի քաղաքապետ Մելիխ Գյոքչեքը: 15:00 Անկարայի մերձակայքում հերթական ռազմական ուղղաթիռն է խոցվել, հայտնում է Reuters գործակալությունը: 14:36 Խռովարարները գրավել են ռազմանավ, որի վրա գտնվում է նավատորմի հրամանատարը: 14:17 Թուրքական ռազմական ուղղաթիռը վայրէջք է կատարել Հունաստանի Ալեքսանդրուպոլիս քաղաքի մերձակայքում: 8 զինվորականներ հանձնվել են հույն իրավապահներին ու քաղապաստան հայցել: 14:06 Բախումներում զոհվել է 164 կառավարության աջակից, Reuters հաղորդմամբ, հայտարարել է Թուրքիայի վարչապետ Բինալի Յըլդըրըմը: Ընդհանուր զոհերի թիվն, այսպիսով, հասել է 265-ի: 13:20 Թուրքիայի կառավարությունը կքննարկի երկրում մահապատժի վերականգնումը: Այդ մասին է հայտարարել իշխող «Արդարություն և զարգացում» կուսակցության փոխնախագահ Մեհմեթ Մյուեզինօղլուն, հայտնում է BBC-ն: 13:17 Գլխավոր շտաբում գտնվող մոտ 150 ապստամբ զինվորական բանակցություններ են վարում իշխանությանը հավատարիմ ուժերի հետ հանձնվելու վերաբերյալ, հայտնում է Anadolu-ն: Ըստ վարչապետ Յըլդըրըմի, հեղաշրջումը «90%-ով» ճնշված է: 13:04 Հայ-թուրքական սահմանը հսկող ռուս սահմանապահները ուժեղացրել են վերահսկողությունը: 12:39 Ըստ «Անադոլու» պետական գործակալության, հեղաշրջման փորձի հեղինակը պաշտոնաթող գնդապետ Մուհարրեմ Քյոսեն է: Ընդհանուր առմամբ, կազմակերպիչները 37-ն են:
12:29 «Հիզմեթ» շարժման առաջնորդ, ընդդիմադիր թուրք հոգևոր գործիչ Ֆեթուլահ Գյուլենը հերքում է հեղաշրջման փորձին իր որևէ առնչությունը: 12:20 Guardian-ի փոխանցմամբ, Թուրքիայի Գլխավոր շտաբի պետի ժամանակավոր պաշտոնակատար Ումիտ Դունդարը հայտնել է, որ սպանվել է 104 խռովարար: Նա նշել է, որ նոր հայտնած տվայլները չեն ներառում ավելի վաղ հայտարարված 90 զոհին, ներառյալ 47 խաղաղ բնակիչներին, զոհերի թիվն այսպիսով հասավ 194-ի: Ապստամբների մեծ մասը ռազմաօդային ուժերի ներկայացուցիչներ են. նրանք առևանգել են մի շարք բարձրաստիճան զինվորականների: 11:37 Մի շարք երկրների ու կառավարությունների, ԵՄ, ՄԱԿ ու ՆԱՏՕ-ի ղեկավարները Թուրքիայում կայունությունը վերականգնելու կոչ են արել: Եվրամիությունը չի բացառել, որ կատարվածը կարող է կրիտիկական հետևանքներ ունենալ Թուրքիայի հետ հարաբերություններում, փոխանցում է «ՌԻԱ-Նովոստին»: 11:19 Թուրքիայում Կարմիր խաչի նախագահ Քերեմ Քիրինքը Twitter-ի իր միկրոբլոգում գրել է, որ հեղաշրջման փորձի ընթացքում 100 մարդ է սպանվել: Ըստ նրա, Անկարայում հոսպիտալացվել է 800 մարդ, Ստամբուլում՝ 200: 11:13 ՀՀ ԱԳՆ տեղեկացմամբ, նախնական տեղեկություններով Թուրքիայում իրադարձությունների ժամանակ ՀՀ քաղաքացիներ կամ հայեր չեն տուժել։ Այդ երկրում տուժած ՀՀ քաղաքացիների համար նախարարությունում ստեղծվել է թեժ գիծ՝ +374 60 620552: 11:03 Քաղաքական երեք կուսակցության առաջնորդները շաբաթ ցերեկը ելույթ կունենան Թուրքիայի խորհրդարանում:
10:54 Զոհերի թիվն ընդհանուր առմամբ հասել է 90-ի, փոխանցում է Anadolu-ն: Եվս 1154 մարդ վիրավոր է: 10:33 Ստամբուլում Turkish Arlines-ի ներկայացուցիչները հայտաարել են, որ Աթաթուրքի անվան միջազգային օդանավակայանը վերականգնել է աշխատանքը, փոխանցում է ABC News-ը: Որոշ աղբյուրներ հայտնում են բանակում ձերբակալությունների ու պաշտոնանկությունների մասին` մասնավորապես, պաշտոնանկ է արվել 5 գեներալ և 29 գնդապետ: Թուրքիայի նախագահ Ռեջեփ Թայիփ Էրդողանը հայտարարել է, որ իշխանությունները վերահսկում են երկրում տիրող իրավիճակը: Ավելի վաղ փոխվարչապետ Քուրթուլմուշը հայտարարել էր հարյուրավոր վիրավորների մասին: Արդարադատության նախարարը տեղեկացրել է հեղաշրջման մասնակից 1563 մարդու ձերբակալության մասին՝ չբացառելով, որ այդ թիվը դեռ կաճի, հայտնում է Ermenihaber-ը: Բոսֆորի կամուրջը փակած ապստամբ զինվորականները հանձնվում են կառավարական ուժերի ճնշմանը: Նշվում է, որ 50 հոգի արդեն հանձնվել է: Բոսֆորի կամուրջը փակած ապստամբ զինվորականները հանձնվում են ոստիկաններին: Անհայտ է մնում Թուրքիայի ԶՈւ գլխավոր շտաբի պետ Հուլուսի Աքարի ճակատագիրը. Ավելի վաղ հայտնել էին, որ մի խումբ զինվորականների կողմից նա պատանդ է վերցվել: Վարչապետ Յիլդիրիմը հայտնել է ԶՈւ գլխավոր շտաբի նոր պետի նշանակման մասին: Փոխվարչապետ Քուրթուլմուշը վստահեցրել է, որ մի քանի ժամից ամբողջ վտանգը կչեզոքացվի: Ստամբուլի և Անկարայի որոշ տեղերում ապստամբ ուժերը շարունակում են լոկալ բնույթի փոքր մարտերը: Վարչապետը շնորհակալություն է հայտնել ընդդիմադիր ուժերին ճգնաժամային իրավիճակում դեմոկրատական ուղուն հավատարիմ մնալու համար: Նախագահ Էրդողանը հայտարարել է, որ խստագույնս կպատժվեն բոլոր նրանք, որոնք մասնակցություն են ունեցել ռազմական հեղաշրջմանը: Էրդողանը կատարվածը բնորոշել է որպես ազգային միասնությունը պառակտելու փորձ և կրկին մեղադրանքը հասցեագրել գյուլենականներին: Խորհրդարանը 14:00-ին արտահերթ նիստ կգումարի: Ընթերցեք նաև. Թուրքիայում հեղաշրջման փորձ է, զինվորականների, բնակչության և ցուցարարների բախումներ Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |