Ռուսաստանն այլևս չի համակարգում նավթի արդյունահանումն ՕՊԵԿ-ի հետ20 հուլիսի 2016 - 16:16 AMT PanARMENIAN.Net - Ռուսաստանն այլև չի քննարկում շուկայում համակարգման հարցերը Նավթ արտահանող երկրների կազմակերպության (ՕՊԵԿ) հետ ապրիլին Քաթարում նավթի արդյունահանման սառեցման վերաբերյալ անհաջող բանակցություններից հետո: Այդ մասին հայտնել է ՌԴ էներգետիկայի նախարար Ալեքսանդր Նովակը, հայտնում է lenta.ru-ն Reuters-ի վրա հղումով: «Այս թեման արծարծվել է միայն մեկ անգամ, երբ ՕՊԵԿ առանձին անդամներ առաջարկեցին կրճատել արդյունահանումն աշխարհում»,-ասել է Նովակը: ՌԴ-ն դեռ հանդիպումներ չի ունեցել կարտելի ղեկավարների հետ, սակայն բանակցությունների հավանականությունը 2016-ի ընթացքում պահպանվում է, ասել է նա: ՌԴ-ն ու Սաուդյան Արաբիան միասին արդյունահանում են աշխարհի նավթի պաշարների 23 տոկոսը: Նովակը նշել է, որ սեպտեմբերին կարող է հանդիպել թագավորության էներգետիկայի նոր նախարար Հալեդ ալ Ֆալեհի հետ Ալժիրում: Քննարկվելու է գազավերամշակող գործարանների կառուցումը ՌԴ-ում, Էր Ռիադի ներդրումները, ռուսական և սաուդական ընկերությունների համատեղ մասնակցությունը երկրաբանական հետախուզմանը, նավթի արդյունահանմանն ու վերամշակմանը: Նավթի համաշխարհային գները կտրուկ նվազեցին Քաթարում նավթ արդյունահանող երկրների գագաթնաժողովում բանակցությունների անարդյունավետության պատճառով: Նավթի գները նվազում են 2014-ի կեսից սկսած: Այդ ընթացքում մեկ բարելի արժեքը նվազել է գրեթե 3 անգամ` $110-115 դոլարից հասնելով $40-ի: 2015-ի հոկտեմբերից նավթը սակարկվում է մեկ բարելի դիմաց $50 մակարդակից ցածր շեմում, իսկ 2016-ի հունվարին գինը նվազել էր մինչև $28: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից |