ԵՊՀ և օտարերկրյա բուհերի հայ ուսանողների իրավունքները բանակից տարկետման հարցում կհավասարեցվեն 1 սեպտեմբերի 2016 - 12:10 AMT PanARMENIAN.Net - 2017-ին ԵՊՀ և օտարերկրյա բուհեր ընդունված հայ ուսանողների իրավունքները զինծառայությունից տարկետում ստանալու հարցում կհավասարեցվեն: Նման խոստում է տվել ՀՀ նախագահ Սերժ Սարգսյանը «Կենգուրու» միջազգային մաթեմատիկական և հայոց լեզվի «Մեղու» մրցույթների մրցանակակիրների, ինչպես նաև դպրոցականների միջազգային առարկայական օլիմպիադաների մեդալակիրների հետ հանդիպմանը: «Կամ ԵՊՀ ուսանողները նույնպես բանակից տարկետում չեն ստանա, կամ օտարերկրյա բուհեր ընդունված հայ ուսանողները ևս կօգտեն այդ արտոնությունից: Կցանկանայի նշել, որ ծառայությունը բանակում խոչընդոտ չէ գիտելիքներ ստանալու համար»,-ասել է նախագահ Սարգսյանը, հայտնում է «Նովոստի Արմենիան»: Նախագահը նշել է, որ ինքը ևս ԵՊՀ-ում ուսանելիս 2 տարի ծառայել է խորհրդային բանակում: «Բանակից վերադառնալով ես նույնիսկ ավելի լավ սկսեցի սովորել: Ուզում եմ ասել, որ շատ հայտնի գիտնականներ տևական ընդհատումներ են ունեցել գիտական գործունեության ընթացքում, օրինակ, Էյնշտեյնը»,-ասել է Սարգսյանը: Նախագահ Սերժ Սարգսյանն օգոստոսի 31-ին հյուրընկալել էր 2015-2016 ուսումնական տարում բարձր առաջադիմություն ցուցաբերած` ՀՀ հանրակրթական ուսումնական հաստատությունների մեդալակիր շրջանավարտներին, ինչպես նաև դպրոցականների միջազգային առարկայական օլիմպիադաներում 2016թ. հաջողությունների հասած՝ մայրաքաղաքի և մարզերի աշակերտներին, «Կենգուրու» միջազգային մաթեմատիկական և հայոց լեզվի «Մեղու» մրցույթների մրցանակակիրներին: Սերժ Սարգսյանը պատասխանել է հանդիպման մասնակիցներին հետաքրքրող հարցերին, որից հետո արդեն ավանդական դարձած հանդիպման ժամանակ շրջանավարտներն ու աշակերտները ՀՀ նախագահի և ՀՀ կրթության և գիտության նախարարի կողմից ստացել են իրենց պարգևները՝ մեդալները, հավաստագրերն ու նվերները: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |