Ազգային արխիվը կցուցադրի ՀՀ նախագահների անձնագրերն ու ստորագրած առաջին որոշումները 6 սեպտեմբերի 2016 - 13:33 AMT PanARMENIAN.Net - Սեպտեմբերի 16-ին ՀՀ ազգային արխիվում բացվում է ցուցահանդես՝ նվիրված Հայաստանի Հանրապետության 25 ամյակին: Ազգային արխիվի տնօրեն Ամատունի Վիրաբյանը լրագրողների հետ զրույցում նշել է, որ ցուցահանդեսում կներկայացվեն բազմաթիվ հետաքրքիր ու արժեքավոր փաստաթղթեր: «Ցուցադրելու ենք մեր 3 նախագահի ՀՀ 1-ին անձնագրերը, դիվանագիտական անձնագրերը, մտավորականների դիվանագիտական անձնագրեր, նախագահների ստորագրած 1-ին համաձայնագրերը, վարչապետերի ստորագրած 1-ին որոշումները և այսպիսի հետաքրքիր այլ փաստաթղթեր»,- տեղեկացրել է Վիրաբյանը: Նա նշել է, որ 21-րդ դարն աչքի է ընկնում տեխնոլոգիաների բուռն զարգացմամբ և հետևաբար դրանք ազդում են նաև արխիվի աշխատանքի վրա, սակայն Ազգային արխիվում ունեցած փաստաթղթերից, ժապավեններից, կամ լուսանկարներից չեն հրաժարվելու, դրանք էլ են պահպանվելու: «Այդ ամբողջը մենք թվայնացնելու խնդիր ունենք այսօր: Թվայնացումն ինքնանպատակ չի, երկու խնդիր է լուծում: Առաջին` պահպանման խնդիրը, որ մենք թղթե փաստաթղթերին կամ ժապավեններին այլևս ձեռք չենք տա, նրանք կոնսերվացված կմնան, իսկ մենք կօգտագործենք թվայնացված տարբերակները և, ամենակարևորը, 2-րդ խնդիրը` տեղեկություններ կարող ենք որոնել ու գտնել րոպենների, որոշ տեղեկություններ նույնիսկ վայրկյանների ընթացքում»,- ասել է Վիրաբյանը, մեջբերում է «Երկիրը»: Թվայնացման փորձերը սկսվել են 2004 թվականից, իսկ արդեն բուռն թվայնացումը՝ 2010 թվականից, երբ ձեռք են բերել արդիական նոր սարքավորումներ: «Սարքավորումները բավականին թանկ են, մեր բոլոր սարքավորումները թվայնացնող գնված են ոչ բյուջեի հաշվին, ոչ էլ արխիվի: Դրանք Ազգային արխիվին նվիրել են մարդիկ, որոնք գիտակցել են արխիվային պահպանման կարևորությունը»,- նշել է նա՝ հավելելով, որ տարեկան թվայնացվում է մոտ 200.000 թերթ փաստաթուղթ, և արդեն մոտ 1 մլն փաստաթուղթ է թվայնացվել: «Նախ մենք թվայնացնում ենք այն փաստաթղթերը, որոնք կարևոր են և պահանջարկ ունեն, հետո նոր մնացածը: Պահանջված փաստաթղթերն են 1-ին Հանրապետության պատմության հետ կապված փաստաթղթերը և Ցեղասպանության վերաբերյալ փաստաթղթերը, որոնց պահանջարկը երբևէ չի նվազում»,- նկատել է Վիրաբյանը՝ անդրադառնալով նաև ֆիլմերի թվայնացմանը: «Կինոննկարների թվայնացումը ևս շատ կարևոր է: Մենք այս տարի ավարտելու ենք վավերագրական ֆիլմերի` 35մմ լայնությամբ ժապավենների թվայնացումը: Գեղարվեստական ֆիլմերը չենք թվայնացրել: Հայֆիլմի ստեղծած ֆիլմերի թվայնացման հետ մենք գործ չենք ունեցել, բայց հետագայում կթվայնացնենք»,-ասել է նա՝ սխալ համարելով սև և սպիտակ ֆիլմերի գունավոր թվայնացնելու փաստը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ՌԴ ԱԳ փոխնախարար․ Կարևոր է, որ Ալմաթիի շփումները եռակողմ պայմանավորվածությունների հունով են գնում «Սատարում ենք Աստանայի ջանքերին այդ ուղղությամբ»,–ասել է նա Էրդողանը հրատապ հանդիպում է անցկացրել՝ նրան հայտնել են ռազմական հեղաշրջման փորձի հավանականության մասին Հանդիպման ընթացքում քննարկվել են այդ ուղղությամբ կանխարգելիչ քայլեր իրականացնելու վերաբերյալ հարցեր Գալուզին․ ԵՄ առաքելությունը գործում է ՀՀ հարևանների՝ Ադրբեջանի և Իրանի դեմ, հակառուսական քարոզչություն տանում Նա ասել է, որ առաքելությունը հաշվետու չէ «ոչ Հայաստանին, ոչ Ադրբեջանին, ոչ այլ շահագրգիռ երկրներին ու կառույցներին» Ավինյանի գլխավորած պատվիրակությունը մեկնում է Փարիզ Ավինյանը կհանդիպի Անն Իդալգոյի հետ |