Քարաշամբում Ք.ա. 19-18-րդ դարերի ջնարակապատ գավեր և թռչունի արձանիկներ են պեղվել 7 սեպտեմբերի 2016 - 11:31 AMT PanARMENIAN.Net - Քարաշամբի հնավայրում 2016 թվականի պեղաշրջանը սկսվել է օգոստոսի 1-ից: Այստեղ 2009 թվականից մինչև օրս աշխատում է ՀՀ ԳԱԱ հնագիտության և ազգագրության ինստիտուտի արշավախումբը: Ինստիտուտի տնօրեն Պավել Ավետիսյանն իր ֆեյսբուքյան էջում մի քանի նկար է ներկայացրել վերջին տարիների պեղումներից՝ նշելով, որ դամբարանները և գտածոները, ինչպես Քարաշամբի գավաթը, նշանավորում են այսպես կոչված «թռեղք-վանաձորյան» հնագիտական մշակույթը:
Քարաշամբի դամբարանադաշտի պեղումները սկսվել են 1987 թվականին, և դրանց արդյունքում բացվել է արդեն իսկ 700-800 դամբարան, որոնցում հայտնաբերվել են թանկարժեք մետաղից ու բրոնզից զարդեր, զենքեր, իշխանության խորհրդանիշեր, սպասք, խեցեղեն առարկաներ։ Բացառիկ է նաև այնտեղից պեղված արծաթե դրվագազարդ գավաթը, որի վրա քանդակված պատկերները տեղեկատվություն են տալիս միջին բրոնզեդարյան Հայաստանի հոգևոր և նյութական մշակույթի մասին:Այստեղ կատարված պեղումները հնարավորություն են տալիս ոչ միայն պատկերացում կազմել այդ ժամանակաշրջանում թաղման ծեսի, այլև ընդհանրապես մի ամբողջ քաղաքակրթության ապրելակերպի մասին: «Այս մշակույթի վաղագույն համալիրները թվագրվում են մ.թ.ա 23-րդ դարով (Քարաշամբի մեծ դամբանաբլուր), ավարտական փուլի համալիրները՝ մ.թ.ա. 17-16 -րդ դարերով: Մշակույթի «ծաղկման շրջանի» (մ.թ.ա. 23-18-րդ դդ.) թաղման կառույցներն երկայնական առանցքով ուղղված են արևելքից արևմուտք: Որպես կանոն արևելյան պատի տակ անպայման բացվում են զոհաբերված խոշոր եղջերավորների զույգ գանգերի, վերջույթների ոսկորները: Դամբարանների հատակները ծածկվում էին խսիրով»,- գրել է Պավել Ավետիսյանը:
Նա նշել է, որ նկարներով ներկայացված դամբարաններում խսրապատ հատակները պատվել են նաև հարյուրների հասնող ջնարակապատ և բրոնզե կոճակներով: Քարաշամբի վերջին պեղումներից հայտնաբերված գունազարդ ծորակավոր անոթը, ջնարակապատ գավերը և թռչունի արձանիկները առաջին անգամ են փաստագրվում թռեղք-վանաձորյան համալիրներում: Ներկայացրած դամբարանները և հինարևելյան դեկորատիվ –կիրառական արվեստի այս բացառիկ նմուշները վերագրելի են ԹՎ մշակույթի երկրորդ փուլին՝ մ.թ.ա. 19-18 րդ դարեր: Հղումներ թեմայով. Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Սիմոնյան․ ՀՀ-ում իշխանափոխություն հնարավոր է միայն ԱԺ ընտրություններով, որոնք կկայանան 2026-ին Նա նշել է, որ 2018-ին ՀՀ իշխանությունը ձևավորված չէր ընտրությունների միջոցով և ժողովուրդը վերականգնեց իր ընտրելու իրավունքը Բիզնես գաղափարներ` պատանիներից․ 6-րդ Fastex Meetup-ը կայացել է Fastex Meetup հանդիպումների շարքը շարունակական է Փաշինյանը չի մասնակցի Պուտինի երդմնակալությանը Այդ մասին ասել է Ալեն Սիմոնյանը |