Արոնյանն առաջին հաղթանակն է տարել Տալի հուշամրցաշարում

PanARMENIAN.Net - Մոսկվայում ընթացող Միխայիլ Տալի 10-րդ հուշամրցաշարի 6-րդ տուրում ՀՀ ուժեղագույն շախմատիստ Լևոն Արոնյանը սպիտակ խաղաքարերով 34-րդ քայլում պարտության է մատնել մրցաշարի առաջատար հոլանդացի Անիշ Գիրիին:

Այս պարտիայից առաջ Արոնյանն անընդմեջ 5 ոչ ոքի է խաղացել, պարտություն չէր կրել, իսկ հաղթանակն առաջինն է: 6 տուրից հետո հայ շախմատիստը 3.5 միավորով կիսում է 3-5-րդ տեղերը: Արաջատարն է Յան Նեպոմնյաշչին (4.5 միավոր):

Հաջորդ տուրում Արոնյանը կխաղա Շախրիար Մամեդյարովի հետ:

Գրոսմայստեր Լևոն Արոնյանը 2005 թվականի շախմատի աշխարհի գավաթակիր է, Լինարեսի (2006), Վեյկ ան Զեեի (200,2008, 2012,2014) և Բիլբաոյի (2009, 2013) գերմրցաշարերի, 2006, 2010 և 2011թթ. Տալի հուշամրցաշարերի, 2008/2009 ՖԻԴԵ-ի Գրան պրիի, ռապիդի աշխարհի առաջնության (2009) հաղթող, 2006 և 2007 թվականների Ֆիշերի շախմատի աշխարհի չեմպիոն, 2010 թվականի կայծակնային շախմատի աշխարհի չեմպիոն, բազմաթիվ այլ մեծ նվաճումների հեղինակ: