Սարիթաղցիները Դատախազության շենքի մոտ պահանջել են ազատել իրենց հարազատներին10 հոկտեմբերի 2016 - 16:53 AMT PanARMENIAN.Net - Ոստիկանության ՊՊԾ գնդի գրավման օրերին Սարի թաղում ոստիկանների ու քաղաքացիների միջև տեղի ունեցած բախումներից հետո ձերբակալված սարիթաղցիների հարազատները հոկտեմբերի 10-ին հավաքվել էին Գլխավոր դատախազության շենքի մոտ՝ հանդիպում պահանջելով գլխավոր դատախազ Արթուր Դավթյանի հետ: Բողոքի ակցիայի մասնակիցները պահանջում են՝ ազատ արձակել իրենց հարազատներին՝ պնդելով՝ ՊՊԾ գնդի տարածքի գրավման օրերին ոստիկանության կազմած անվտանգության արգելապատնեշի մեջ հայտնված Սարի թաղը զրկված էր կենցաղային տարրական պայմաններից և թաղի երիտասարդ տղաները հուլիսի 19-ին փողոց էին դուրս եկել և բախվել ոստիկանների հետ հենց այդ խնդիրների պատճառով: «Հա, ոստիկաններին խփել են, որովհետև ոստիկանները հանել են ատրճանակները, հայհոյել են, մեծահասակ մարդուն ապտակել են», - պատմել է ձերբակալված սարիթաղցի Հարություն Թորոսյանի մայրը, - «Երիտասարդները աշխատել են ինչ-որ բանով իրենք էլ ինքնապաշտպանության դիմել», մեջբերում է «Ազատություն» ռադիոկայանը: Ցույցի մասնակիցների խոսքով, Սարի թաղից 10 քաղաքացի է ձերբակալված արդեն մոտ 3 ամիս: Հուլիսի 19-ին տեղի ունեցած բախումներից հետո ձերբակալված այս քաղաքացիները մեղադրվում են զանգվածային անկարգություններ կազմակերպելու, մասնակցելու և իշխանության ներկայացուցչի նկատմամբ բռնություն կիրառելու մեջ, ինչի համար նրանց սպառնում է 5-ից 10 տարվա ազատազրկում: Հարազատները դժգոհում են՝ քարով հարվածելու համար մինչև տասը տարվա ազատազրկումը անհամաչափ պատիժ է: Ազատազրկված սարիթաղցիների հարազատները պատմեցին՝ նախնական կալանքի երկամսյա ժամկետը լրացել է, իսկ դատական նիստերն արհեստականորեն ձգձգվում են: Մոտ մեկ ժամ շարունակված բողոքի ակցիայից հետո նրանցից երկուսին թույլ տվեցին ներս մտնել ու հանդիպել գլխավոր դատախազի տեղակալ Արմեն Հարությունյանի հետ: Հանդիպումից հետո ասացին՝ իրենց հարցերն էական պատասխան այդպես էլ չստացան: «Ընդունեց մեզ, լսեց մեզ, գրեց մեր խնդիրների մասին, կհետևի դատական նիստերին: Մեզ պատասխան կտան՝ կոնտակտային համարներ վերցրեցին մեզանից», - պատմել են նրանք, - «Էական պատասխան՝ չստացանք»: Այսօրվա բողոքի ակցիայի մասնակիցներն ասացին՝ տասն օրից ավելի է ինչ պատասխան չունեն նաև ԱԺ-ից ու կառավարությունից, թեպետ պնդեցին՝ ըստ պատշաճի ներկայացրել էին իրենց պահանջները: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |