«Գազպրոմբանկը» հայաստանցի ներդրողներին է վաճառել իր դուստր ձեռնարկություն Առէկսիմբանկը11 հոկտեմբերի 2016 - 12:42 AMT PanARMENIAN.Net - «Գազպրոմբանկը» հայաստանցի ներդրողներին է վաճառել իր դուստր ձեռնարկություն Առէկսիմբանկը, որը սեպտեմբերին հայտնվել է ԱՄՆ պատժամիջոցներին ենթակա ձեռնարկությունների ցանկում: Այդ մասին հայտնել է, ռուսական վարկային կազմակերպության մամուլի ծառայությունը: «Գազպրոմն Առէկսիմբանկի 100% վաճառել է մի խումբ ներդրողների Հայաստանից: Միևնույն ժամանակ, Գազպրոմբանկը շարունակում է մասնակցել մի շարք ներդրումային նախագծերի, որոնք իրականացվում են Հայաստանում»,-հայտնում է բանկը, գրում է ՌԻԱ Նովոստին: Ավելի վաղ հայտնի էր դարձել, որ հոկտեմբերի 7-ից Գազպրոմբանկը կասեցրել է Հայ-ռուսական արտահանման և ներմուծման բանկի բաժնետոմսերի 100% տնօրինելու իրավունքը: Սեպտեմբերի 1-ին ԱՄՆ ֆինանսների նախարարության արտասահմանյան ակտիվների հսկողության բաժինը պատժամիջոցներ սահմանեց ռուսական «Գազպրոմի» մի շարք դուստր ձեռնարկությունների, Գազպրոմբանկի և ֆիզիկական անձանց դեմ: Առէկսիմբանկում հայտարարել էին, որ ԱՄՆ կողմից պատժամիջոցների սահմանումը չի անդրադառնա ոչ հաճախորդների, ոչ բանկի աշխատանքի վրա և աշխատանքը բոլոր ուղղություններով իրականացվում է անխափան և ամբողջ ծավալով: «Առէկսիմբանկ - Գազպրոմբանկի խումբ» ՓԲԸ-ն հիմնադրվել է 1998թ.` Ռուսաստանի և Հայաստանի միջև ֆինանսական հոսքերի սպասարկման և ձեռնարկատիրության աջակցության համար: 2007 թվականից Բանկը հանդիսանում է ռուսաստանյան խոշորագույն բանկի` «Գազպրոմբանկ» (ԲԲԸ) դուստր ձեռնարկությունը, որի մուտքը հայկական ֆինանսական շուկա պայմանավորվեց Հայաստանի տնտեսությունում ռուսաստանյան ընկերությունների ներդրումների աճով, խոշոր կորպորատիվ հաճախորդների` համալիր որակյալ բանկային սպասարկման պահանջարկով, ինչպես նաև հանրապետության տարածքում «Գազպրոմի» նախագծերի ֆինանսավորման անհրաժեշտությամբ: Բանկը բազմակողմանի ֆինանսավարկային կազմակերպություն է և առաջարկում է հաճախորդներին բանկային ծառայությունների ամբողջական տեսականի: Բանկի գործունեության առաջնային ուղղությունների թվին են պատկանում կորպորատիվ հաճախորդների նախագծերի` առաջին հերթին երկրի արդյունաբերական և ռազմավարական ոլորտների, մասնավորապես` էներգետիկ սեկտորի ֆինանսավորումը, փոքր և միջին բիզնեսի վարկավորումը, վճարային քարտերի թողարկումը և սպասարկումը, ինտերնետ-բենքինգը, վճարային համակարգերի և բանկոմատների միջոցով միջազգային դրամական փոխանցումների իրականացումը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |