Թուրքիան պայմանավորվել է կոալիցիայի հետ. Անկարան կմասնակցի Մոսուլի ազատագրմանը19 հոկտեմբերի 2016 - 12:22 AMT PanARMENIAN.Net - Թուրքիան պայմանավորվածություն է ձեռք բերել միջազգային կոալիցիայի հետ` Անկարան կմասնակցի ահաբեկչական «Իսլամական պետության» գրոհայիններից իրաքյան Մոսուլի ազատագրմանը: Այդ մասին հայտարարել է Թուրքիայի վարչապետ Բինալի Յիլդիրիմը: «Անհրաժեշտության դեպքում մեր ուժերը կանդամակցեն կոալիցիային Մոսուլում: Գլխավորը դրա կազմում ընդգրկվելն է: Կոալիցիային Թուրքիայի մասնակցության վերաբերյալ սկզբունքային համաձայնություն կա»,-ասել է Յիլդիրիմը լրագրողներին Անկարայում իր կուսակցության խորհրդարանական խմբակցության նիստից հետո: Ավելի վաղ Յիլդիրիմը հայտարարել էր, որ թուրքական ռազմական ավիացիան մասնակցում է Մոսուլի ազատագրման գործողությանը, իսկ «ցամաքում» առաջին շարքերում են Իրաքի հյուսիսում գտնվող թուրքական ռազմական Բաշիկա ճամբարում նախապատրաստված իրաքյան աշխարհազորի մարտիկները: Հոկտեմբերի 17-ի վաղ առավոտյան քուրդ աշխարհազորայիններն ու Իրաքի բանակը սկսել են Մոսուլի ազատագրման գործողությունը` քաղաքը կգրոհի 30.000 զինյալ: Քրդերի ռազմականացված «փեշմերգա» ջոկատները հսկողություն են հաստատել իրաքյան Մոսուլի մատույցներում գտնվող 7 բնակավայրում: ԻՊ ահաբեկչական խմբավորումը «խալիֆատ» հռչակեց Սիրիայի ու Իրաքի գրավյալ տարածքներում 2014-ի ամռանը: ԱՄՆ-ն մի շարք դաշնակից երկրների հետ սեպտեմբերի 23-ին ավիահարվածներ սկսեց հասցնել ԻՊ դիրքերին Սիրիայում, իսկ Իրաքում նման գործողություններն արդեն օգոստոսից էին սկսվել: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |