Սահակաշվիլին հրաժարական է տվել Օդեսայի նահանգապետի պաշտոնից 7 նոյեմբերի 2016 - 15:52 AMT PanARMENIAN.Net - Վրաստանի նախկին նախագահ Միխայիլ Սահակաշվիլին հրաժարական է տվել Ուկրաինայի Օդեսայի շրջանի նահանգապետի պաշտոնից: «Ես որոշել եմ հրաժարական տալ և պայքարի նոր փուլ սկսել»,-ասել է նա ճեպազրույցում: «Ես հոգնել եմ, ինձ այսքան դեռ ոչ ոք չէր խաբել, առավել ևս այսքան ցինիկաբար»,-ասել է նա` հասկացնելով, որ մտադիր չէ հեռանալ երկրի քաղաքական դաշտից: Հրաժարականը նա հիմնականում պատճառաբանել է նախանշված նպատակներին հասնելու անհնարինությամբ Ուկրաինայում տիրող տոտալ կոռուպցիայի պատճառով: «Օդեսան միայն այն ժամանակ կսկսի զարգանալ, երբ մենք ձերբազատվենք կոռուպցիայից»,-ասել է նա: Ընդ որում, ըստ նրա «կոռուպցիայի հենասյուներն են» Ուկրաինայի ՆԳՆ ղեկավար Արսեն Ավակովը և պետական ֆիսկալ ծառայության պետ Ռոման Նասիրովը: Ավելի վաղ պաշտոնանկության մասին էր հայտարարել Սահակաշվիլիի թիմի անդամ` Օդեսայի շրջանի ոստիկանության պետ Գեորգի Լորդկիպանիձեն: Սահակաշվիլին Վրաստանի նախագահ էր 2004թ. հունվարից մինչև 2007թ. և 2008-ի հունվարից մինչև 2013-ի նոյեմբեր: Նա հեռացավ երկրից իր լիազորությունների սպառվելուց մի քանի օր առաջ և բնակվում էր ԱՄՆ-ում, հետո` Ուկրաինայում: 2015-ի մայիսին Սահակաշվիլին Ուկրաինայի քաղաքացիություն ստացավ և նշանակվեց Օդեսայի շրջանի նահանգապետ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Հնդկաստանն արդիականացրել է ՀՀ մատակարարված հրետանային համակարգերը՝ նոր էլեկտրոնիկա տեղադրելով Հրետանային համալիրներում տեղադրվել են պարզեցված ինտերֆեյսով բալիստիկ համակարգիչներ Առաջիկա օրերին սպասվում է անձրև և ամպրոպ․ Ջերմաստիճանը կնվազի Մայիսի 4–ի ցերեկը մայրաքաղաքում կգրանցվի +19 աստիճան Ողջաբերդ գետի հենապատի փլուզման հետևանքով Նոր Արեշում տներ են հեղեղվել Իրականացնում են գետի հունի մաքրման, երկաթբետոնե կառուցատարրերի տեղափոխման Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ |