Անհայտները նռնակ են նետել Աթենքում Ֆրանսիայի դեսպանատան վրա10 նոյեմբերի 2016 - 11:54 AMT PanARMENIAN.Net - Անհայտները նռնակ են նետել Աթենքում Ֆրանսիայի դեսպանատան վրա, ոստիկաններից մեկը թեթև վիրավորում է ստացել, հայտնում է ՌԻԱ Նովոստին Աթենքի լրատվական ծառայության վրա հղումով: Հունական ԶԼՄ-ները հարձակումը գնահատում են որպես ահաբեկչություն և կապում են անարխիստների գործունեության հետ: Արտակարգ պատահարը տեղի է ունեցել 04:45-ին (Երևանի ժամանակով 06: 45-ին): Ֆրանսիայի դեսպանատունն Աթենքի կենտրոնում է գտնվում` Վասիլիսաս Սոֆիասի պողոտայում, Հունաստանի ԱԳՆ հարևանությամբ: Երկու անհայտ անձ նռնակ է նետել դեսպանատան ուղղությամբ` շենքի մոտով մոտոցիկլով անցնելիս: Նռնակը պայթել է մուտքի մոտ, բեկորային վիրավորում է ստացել պահնորդական ծառայության ոստիկանը: Ոճրագործներն անմիջապես հեռացել են: Այժմ թաղամասը շրջափակված է, փակ է երթևեկությունն Աթենքի կենտրոնական փողոցներով: Միջադեպի պատասխանատվությունը դեռ ոչ ոք չի ստանձնել: Հունական «Պրոտո տեմա» պարբերականը հիշցենում է, որ ավելի վաղ անարխիստական կազմակերպությունները մի քանի անգամ նռնակներ օգտագործել են հարձակումներում: 2009-ին «Հեղափոխականների աղանդը» նռնակ է նետել Աթենքի արվարձանում գտնվող ոստիկանության բաժանմունքի վրա, այն ժամանակ նռնակը չպայթեց: «Հեղափոխական պայքար» կազմակերպությունը երկու անգամ նռնակ է կիրառել` 2007-ին և 2009-ին, ոստիկանության բաժանմունքների վրա հարձակումներում: Ինչ վերաբերում է դիվանագիտական ներկայացուցչությունների վրա հարձակումներին, ապա անարխիստները «Ժողովրդական մարտիկների խմբից» 2013-ի դեկտեմբերի 30-ին Կալաշնիկովի ինքնաձիգից կրակել են Աթենքում Գերմանիայի դեսպանի նստավայրի վրա: Տեղում 60 պարկուճ հայտնաբերվեց: 2014-ի դեկտեմբերին Կալաշնիկովի ինքնաձիգից կրակ էր բացվել Իսրայելի դեսպանատան վրա, ոչ ոք չտուժեց: Տեղում 54 պարկուճ է հայտնաբերվել: Մինչդեռ Աթենքում սպասում են ԱՄՆ նախագահ Օբամային, որն այնտեղ կլինի նոյեմբերի 15-16-ին: Անարխիստներն արդեն խոստացել են «արժանի ընդունելություն» ցույց տալ Օբամային: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |