Դեսպան Միլս. ԱՄՆ-ն և ՆԱՏՕ-ն հպարտ են հայ խաղաղապահների հետ համատեղ աշխատանքով16 նոյեմբերի 2016 - 12:09 AMT PanARMENIAN.Net - Հայաստանում «ՆԱՏՕ-ի շաբաթվա» շրջանակում նոյեմբերի 15-ին արտաքին գործերի նախարարությունում կազմակերպվել է տեսակամուրջ Աֆղանստանում և Կոսովոյում ծառայող հայ խաղաղապահների և նրանց ընտանիքների միջև: Հայաստանում նոյեմբերի 14-ին մեկնարկել է «ՆԱՏՕ-ի շաբաթ»-ը, որի ընթացքում իրականացվող միջոցառումների հիմնական նպատակն է լայն հանրությանը ներկայացնել այն գործողությունների, համագործակցության շրջանակը, որը Հայաստանը զարգացնում է ՆԱՏՕ-ի հետ: Տեսակամուրջին ներկա ՀՀ-ում ԱՄՆ արտակարգ և լիազոր դեսպան Ռիչարդ Միլսն ասել է, որ ամերիկյան զինծառայողները գոհ են ու բարձր են գնահատում հայկական զորախմբի ծառայությունը: «Ծառայում եք երկու վայրում, որտեղ անվտանգության խնդիրները շատ կարևոր են: Մենք գիտենք այդ մասին, բայց կարևոր է նաև այդ մասին հիշեցնել հայ և ամերիկյան հասարակություններին: Ձեր ծառայությունը մարմնավորում է այն լավագույնը, ինչը կա մեր հարաբերություններում՝ ՆԱՏՕ-ի հետ համատեղ աշխատանքում և ՄԱԿ-ի ներքո: Ուզում եմ արժանին մատուցել ձեր ընտանիքներին այն զոհողության համար, որին նրանք գնացել են. դուք այժմ ձեր ընտանքից հեռու եք և ձեր ծառայությունն ենք իրականցնում: ԱՄՆ-ն, ՆԱՏՕ-ի անդամ բոլոր երկրները հպարտանում են այն աշխատանքով, ինչը մենք միասին իրականցնում եք: Անվտանգ և ապահով ծառայություն»,- դիմելով խաղաղապահներին՝ ասել է դեսպանը: Աֆղանստանում խաղաղապահ առաքելություն է իրականցնում Հայաստանից 121 հոգանոց զորախումբը, Կոսովոյում՝ 35 հոգանոց: ՀՀ-ում Գերմանիայի արտակարգ և լիազոր դեսպան Մաթիաս Քիսլերը Գերմանիայի անունից շնորհակալություն է հայտնել հայ խաղաղապահներին բացառիկ աշխատանքի համար: «Բարդ տարածաշրջանում եք աշխատում, հատկապես՝ երբ խոսքը գնում է Աֆղանստանի մասին: Մշտապես վտանգի տակ եք: Թե Կոսովոյում, թե Աֆղանստանում Հայաստանի իրականացրած խաղաղապահ առաքելությունը վկայում է, թե որքան կարևոր է համաշխարհային անվտանգության խնդիրը Հայաստանի համար: Կարծում եմ, որ սա շատ կարևոր ազդանշան է, որ Հայաստանն ուղարկում է: Ցանկանում եմ անվտանգ ծառայություն և բարի վերադարձ»,- ասել է նա: 2004 թվականից Հայաստանը տարբեր առաքելություններում ունի խաղաղապահ բրիդագներ, որոնք ամերիկյան, գերմանական, հունական ղեկավարության ներքո անվտանգությունն ապահովում են այնպիսի երկրներում, որտեղ խաղաղության հասատատումը խնդրահարույց է եղել: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ ՊՆ. Սուտ է, թե Տավուշի հատվածում Ադրբեջանը կրակել է հայկական դիրքերի ուղղությամբ Նախարարությունը հորդորում է հետևել գերատեսչության պաշտոնական հաղորդագրություններին Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները |