Եթե Թուրքիայի Գլխավոր շտաբը թույլ տա նորմալ եւ արդար ընտրություններ անկացնլե, ապա վարչապետ Ռեջեփ Էրդողանի Արդարության եւ զարգացման կուսակցությունը (AKP) կհաղթի: Այդ մասին Երեւանում լրագրողներին հայտնել է «Հայ Դատի» գրասենյակի ղեկավար Կիրո Մանոյանը: Նրա կարծիքով, Հայաստանի համար կարեւոր է կայուն Թուրքիան, անկախ այն բանից` ով կհաղթի ընտրություններում, իսլամիստները, թե քեմալիստները: «AKP-ն ավելի լավ է վերաբերվում ազգային փոքրամասնություններին, մասնավորապես, հայերին, սակայն բնական է, որ դա ելնում է Թուրքիայի շահերից: Ներկա կառավարությունը հստակ որոշել է գնալ եվրաինտեգրման ճանապարհով: Ճիշտ է, կրկնում եմ, ամեն ինչ կախված է զինվորականներից»,- ընդգծել է Մանոյանը: