Կոսովոյին անկախության տրամադրումը չի կարող նախադեպ ծառայել ցանկացած հակամարտության կարգավորման համար, այդ թվում եւ Լեռնային Ղարաբաղի հակամարտության: Այդ մասին Երեւանում մամլո ասուլիսի ժամանակ հայտարարել է Սլովակիայի արտգործնախարարության պետքարտուղար, նախարարի առաջին տեղակալ Օլգա Ալգաերովան: Նրա խոսքերով, Կոսովոյի եւ Ղարաբաղի հակամարտությունները բացարձակ տարբեր են: «Այդ տարածքները գտնվում են տարբեր քաղաքական համակարգերում, այնտեղ տարբեր մշակույթներ են: Դա «այլ երկիր է»: Իսկ յուրաքանչյուր հակամարտության կարգավորումը հիմնվում է հենց այդ գործոնների վրա»,- ընդգծել է Սլովակիայի ԱԳՆ պետքարտուղարը:

Միեւնույն ժամանակ, Օլգա Ալգաերովան նաեւ նշել է, որ Թուրքիայի մուտքը ԵՄ պայմանավորված է մի շարք պահանջներով, որոնց կատարմանը Եվրոպան պարտադիր հետեւում է: «Թուրքիան կարող է դառնալ ԵՄ անդամ միայն մի շարք պայմաններ կատարելու դեպքում: Սլովակիան որպես ԵՄ եւ ՆԱՏՕ անդամ կիսում է այդ պահանջները»,- ասել է նա: