Տավուշի ևս 59 ընտանիքի համար ջերմոցներ կկառուցվեն22 դեկտեմբերի 2016 - 13:58 AMT PanARMENIAN.Net - «Հայաստան» հիմնադրամն իր արգենտինահայ բարերարների ֆինանսավորմամբ Տավուշի մարզի 10 համայնքում մեկնարկում է ջերմոցների կառուցման երրորդ փուլը: Ոսկեվան, Արծվաբերդ, Կոթի, Ներքին Ծաղկավան, Բերդավան, Այգեհովիտ, Կողբ, Զորական, Դիտավան, Կիրանց գյուղերի 57 շահառու ընտանիքի տնամերձ հողատարածքներում կկառուցվեն 100քմ մակերեսով, մետաղյա կառուցվածքով և բարձրորակ ծածկով ջերմոցներ: Երկու ջերմոց էլ Հիմնադրամի Ավստրալիայի տեղական մարմնի հովանավորությամբ կկառուցվի Խաչարձանում: Ջերմոցների շահագործման նախնական փուլում գյուղացիներին միանվագ կնվիրաբերվեն սածիլներ և կտրամադրվի անվճար խորհրդատվություն: Ծրագրի համակարգող Մարիամ Ջենջիրջյանի խոսքով՝ շահառուներն ընտրվում են վիճակահանության միջոցով և համաֆինանսավորման պայմանով: Համայնքներն ընտրելիս հիմք է ընդունվել կառավարության կողմից սահմանված սահմանամերձ համայնքների ցանկը: 59 ջերմոցի կառուցման համար այս փուլում հայտ էր ներկայացրել 100 մենատնտես: Մեկ ջերմոցի արժեքը կազմում է 5.400 ԱՄՆ դոլարին համարժեք դրամ, որից 200.000 ՀՀ դրամը վճարում է շահառուն: «Տարեցտարի մարզում ավելանում է ջերմոցային տնտեսություն վարողների թիվը՝ 10-ից հասելով 102-ի: Հուսանք, որ 2017թ.-ին նախատեսված էլեկտրաէներգիայի սակագնի նվազումը կթեթևացնի ջերմոցային տնտեսությամբ զբաղվողների ֆինանսական բեռը»,- ասում է ծրագրի համակարգողը: Առաջին և երկրորդ փուլերի 2013-15թթ. արդյունքում Դիտավան, Կիրանց, Բաղանիս, Այգեհովիտ, Վազաշեն, Գանձաքար և Խաչարձան գյուղերի 43 մենատնտես ջերմոցների շահագործման շնորհիվ ստանում է կայուն եկամուտ: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |