ԶԼՄ-ներ. 2018-ին Շոտլանդիայում անկախության նոր հանրաքվե կարող է անցկացվել

9 մարտի 2017 - 17:15 AMT

PanARMENIAN.Net - Շոտլանդիայի առաջին նախարար Նիկոլա Սթերջենը հնարավոր է համարել Շոտլանդիայի անկախության վերաբերյալ նոր հանրաքվեի անցկացումը՝ հաշվի առնելով քաղաքական իրավիճակի զարգացումը Մեծ Բրիտանիայում: Պատասխանելով այն հարցին, թե կարող է դա տեղի ունենալ արդյոք 2018-ին, Սթերջենը նշել է. «Քանի որ ԵՄ-ից Մեծ Բրիտանիայի դուրս գալու ծարգիրը գնալով ավելի հստակ ուրվագիծ է ստանում, այդ ժամկետը միանգամայն խելամիտ եմ համարում դրա համար»:

Ավելի վաղ հայտնի դարձավ, որ Մեծ Բրիտանիայի վարչապետ Թերեզա Մեյը մարտի 9-ին կկիրառի Լիսաբոնի պայմանագրի 50-րդ հոդվածը, որով կմեկնարկի Եվրամիությունից երկրի դուրս գալու (Brexit) 2-ամյա գործընթացը:

2014-ի սեպտեմբերին կայացած առաջին հանրաքվեի արդյունքում Մեծ Բրիտանիայից անկախանալու դեմ հանդես եկավ մասնակիցների 55%-ը: Հանրաքվեի անցկացման նախաձեռնողն էր Շոտլանդիայի ազգային կուսակցությունը, որի առաջնորդն է Սթերջենը, հայտնում է ՏԱՍՍ-ը:

Շոտլանդիայի խորհրդարանը 2017-ի փետրվարին դեմ է քվեարկել Եվրամիությունից Մեծ Բրիտանիայի դուրս գալու վերաբերյալ Բրիտանիայի կառավարության կողմից մշակված օրինագծին: 124 պատգամավորներից 90-ը դեմ է քվեարկել օրենքին, որով վարչապետ Թերեզա Մեյը լիազորություններ է ստացել սկսելու Brexit-ի ընթացակարգը:

Հղումներ թեմայով.

ТАСС: Би-би-си: первый министр Шотландии не исключила референдума о независимости в 2018 году