Փորձագետ. ԵՏՄ ներդրողներին կհետաքրքրի հայ-իրանական սահմանին ստեղծվող ԱՏԳ-ն11 մարտի 2017 - 15:46 AMT PanARMENIAN.Net - Հայաստանի տնտեսությունը դիմագրավում է արտաքին գործոններին և դրամական փոխանցումների կրճատմանը, սակայն, տնտեսական աճ է գրանցել (0,2%-ի չափով՝ խմբ), ինչը դրական արդյունք է ԵՏՄ որոշ այլ երկրների ֆոնին: Այդ մասին հայտարարել է Եվրասիական զարգացման բանկի գլխավոր տնտեսագետ Յարոսլավ Լիսովոլիկը Երևանում ընթացող ռուսաստանյան «Վալդայ» բանավիճային միջազգային ակումբի արտագնա նիստի ժամանակ լրագրողների հետ զրույցում: Փորձագետը կարևորել է Հայաստանից արտահանման և դեպի երկիր ուղղվող ներդրումների աճի անհրաժեշտությունը: «Հայաստանը մի շարք առանցքային ներդրումային նախագծերի մասին է հայտարարել և շատ կարևոր է, որ երկիրը որոշել է իր առաջնահերթությունները: Կարծում եմ, բավականին մեծ հետաքրքրություն կա ԵՏՄ-ի, այդ թվում մեր բանկի կողմից»,-ասել է նա: Ըստ տնտեսագետի, ԵՏՄ ներդրողների կողմից հետաքրքրություն կլինի նաև Մեղրիում Իրանի հետ սահմանին ստեղծվելիք ազատ տնտեսական գոտում ներդրումների հարցում, այդ թվում այն պատճառով, որ Իրանն առաջ է շարժվում ԵՏՄ հետ առևտրային համաձայնագիր կնքելու հարցում: Իրանի սահմանին Ազատ տնտեսական գոտու ստեղծման ծրագրով նախատեսվում է ներգրավել մինչև 400 մլն դոլար, 2500 աշխատատեղ բացել: Մեղրիի ԱՏԳ-ն 10-15 հա տարածք կզբաղեցնի: Շինարարության համար կպահաջվի $32 մլն: Խոսելով դեպի Հայաստան դրամական փոխանցումների ծավալների նվազեցման մասին՝ Լիսովոլիկը որպես հիմնական պատճառ նշել է ՌԴ-ում շինարարության ծավալների անկումը: Փարձագետը նշել է, որ այդ ոլորտը տուժել էր դեռ 2008-ի ճգնաժամից, և մեծ հաշվով, մինչ օրս չի վերականգնվել: «Կան բնակարանաշինության աջակցությանն ուղղված պետական ծրագրեր, ակտիվ քննարկվում է ոլորտի վարկավորումն ավելի պարզ դարձնելու հարցը: Սակայան, Հայաստանի մասով կարևոր է նվազեցնել կախվածությունը դրամական փոխանցումներից այլ գործոնների հաշվին, առաջին հերթին՝ դեպի ԵՏՄ անդամ պետություններ արտահանման ծավալների աճի շնորհիվ»,-ասել է Լիսովոլիկը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |