Գերմանիայի կառավարությունը կարող է արգելել թուրք գործիչների մուտքը երկիր

15 մարտի 2017 - 10:37 AMT

PanARMENIAN.Net - Գերմանիայի կառավարությունը կարող է արգելել թուրք քաղաքական գործիչների մուտքը երկիր: Այդ մասին հայտարարել է Գերմանիայի դաշնային կանցլերի գերատեսչության ղեկավար, հատուկ հանձնարարությունների նախարար Պետեր Ալթմայերը, հայտնում է ՏԱՍՍ-ը գերմանական աղբյուրների վրա հղումով:

Ըստ նախարարի, Գերմանիայի իշխանություններն ունեն բոլոր իրավական լծակները մերժելու համար մուտքը երկիր օտարերկրյա պետությունների կառավարությունների անդամների համար:

«Այն, որ նախարարների կաբինետը մինչ օրս չի սպառել միջազգային իրավական հնարավորությունները, անվճար տոմս չէ ապագայհի համար: Մուտքի արգելքը վերջին միջոցն էր: Մենք մեզ իրավունք ենք վերապահում օգտվել դրանից»,-ասել է նա:

Ավելի վաղ հայտնի դարձավ, որ ԳԴՀ տեղական իշխանությունները մատդիր են արգելել թուրք քաղաքական գործիչների միջոցառումները:

Գերմանիայի և Թուրքիայի միջև հարաբերություններում լարվածության հերթական աճը տեղի ունեցավ, երբ Գերմանիայում չեղարկեցին թուրք նախարարների մասնակցությունը թուրքական համայնքի միջոցառումներին: Անկարան այդ արգելքը մի քանի անգամ համեմատեց նացիզմի հետ:

Հղումներ թեմայով.

ТАСС: Правительство Германии пригрозило турецким политикам запретом на въезд в страну