Սպիտակի երկրաշարժի մասին նոր ֆիլմ է նկարահանվում15 մարտի 2017 - 14:32 AMT PanARMENIAN.Net - 2018-ին ռուսաստանցի ռեժիսոր Ալեքսանդր Կոտտը կավարտի աշխատանքը Սպիտակի երկրաշարժի մասին պատմող ֆիլմի վրա: Կինոնկարն էկրան կբարձրանա երկրաշարժի 30-րդ տարելիցին ընդառաջ: Հայտնի է դարձել, որ ֆիլմը կստանա եվրոպական «Եվրիմաժ» հիմնադրամի աջակցությունը: Ֆիլմը համատեղ արտադրության է՝ Հայաստանի և Ռուսաստանի: Հիմնադրամը 250.000 եվրո է հատկացրել: «Սցենարի բոլոր հիմնական սյուժետային գծերը պահպանվել են: Միակը, որ հանել ենք, դիակապտների մասին պատմող գիծն է, քանի որ հայ գործընկերները հենց սկզբից դեմ էին դրան: Աշխատանքի ընթացքում մենք հասկացանք, որ դա չէ գլխավորը: Սցենարը 10 տարի առաջ գրել է Մարինա Սոչինսկայան՝ այն շատ անկեղծ է, հիմնական նպատակն է հիշել զոհվածներին, իսկ Հայաստանում գրեթե մեկը չկա, որը հարազատ կորցրած չլինի երկրաշարժի ժամանակ: Մենք ուզում ենք հիշել ոչ միայն ողբերգական իրադարձությունները, այլ նաև բոլոր այն մարդկանց, որոնք այն ժամանակ օգնության եկան»,-ասել է Ելենա Գլիկմանը, գրում է Kinopoisk.ru-ն: Ինչպես նշել է ռեժիսորը, ֆիլմի գլխավոր հերոսը մի հայ է, որը մտադիր է Լոս Անջելես տեղափոխվել բնակության, ինչպես շատերն այն ժամանակ, սակայն հասկացել է, որ դա է նրա հայրենիքը և հայրենիքից չես փախչի: «Սա ֆիլմ ռեքվիեմ է, սա կինո է մի մարդու մասին, որը գտել է իրեն: Ցավոք՝ ողբերգության գնով»,-ասել է Կոտտը: Գլխավոր դերը կատարել է Լեռնիկ Հարությունյանը: Սյուժեով նա ռուս ընկեր ունի, որին խաղում է Օլեգ Վասիլկովը, իսկ քաղպաշտպանության զինվորների դերակատարներն են Ալեքսանդր Կուզնեցովը ու Կոնստանտին Պոյարկովը: «Այդ հերոսները բարդ բնավորություն ունեն: Նրանք բացահայտվում են տարբեր կողմերից, ցուցադրում են ոչ միայն քաջություն, հերոսություն, կարեկցանք, այլ նաև վախ, ինքնապաշտպանվելու մղում, որն առաջ է գալիս մարդու մոտ այդպիսի աղետների ժամանակ: Ֆիլմում և ողբ կա, և զոհեր, սակայն, անկասկած, կա մի գիծ, երբ հերոսները ճակատագրի բարդ շրջադարձում բացահայտվում են այնպես, ինչպես իրենք էլ չէին սպասում»,-ասել է պրոդյուսերը: Ֆիլմում նաև ֆրանսիացի դերասաններ են նկարահանվել՝ Օլիվյե Պեյջեսն ու Ժոզեֆին Ժապին, որը հայտնի է Մելանի Լորանի «Ես շնչում» եմ ֆիլմով, որը ներկայացվել էր «Սեզարի»: Կոտտի սկզբունքային դիրքորոշումն էր, որ բոլոր հերոսներն իրենց մայրենիով խոսեն, ուստի լսվում է հայերեն, ռուսերեն, ֆրանսերեն խոսակցություն: «Այն ժամանակ Սպիտակում Բաբելոնի տպավորություն կար՝ տարբեր լեզուներով խոսող մեծաթիվ մարդիկ: Մենք ցանկանում էինք պահպանել այդ զգացողությունը ֆիլմում»,-ասել է Գլիկմանը: Նկարահանումների առաջին փուլն ավարտված է: Նկարահանումներն իրականացվել են Հայաստանում և Ղրիմում՝ ՀՀ մշակույթի նախարարության, Ազգային կինոկենտրոնի, ՊՆ և ԱԻՆ աջակցությամբ: Ֆիլմի գլխավոր խորհրդատուն է Նորայր Մուրադյանը, որը տառացիորեն երկրաշարժից մեկ ժամ առաջ նշանակվել էր Սպիտակի շրջկոմի ղեկավար: Լրացուցիչ նկարահանումներ տեղի կունենան ապրիլ-մայիսին: Ֆիլմը պատրաստ կլինի տարեվերջին, իսկ էկրաններ կբարձրանա 2018-ին: Բոլոր զանգվածային տեսարանների մասնակիցների անունները կնշվեն տիտրերում: 2016-ի դեկտեմբերին էկրաններ բարձրացավ ռուսաստանաբնակ ռեժիսոր Սարիկ Անդրեասյանի «Երկրաշարժ» ֆիլմը, որը նույնպես պատմում է Սպիտակի երկրաշարժի մասին: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Թուրքիայի ԱԳՆ-ն դժգոհել է Հայոց ցեղասպանության մասին տարբեր երկրների հայտարարութուններից Թուրքիայի ԱԳՆ-ն կոչ է արել «բոլոր կողմերին սատարել համատեղ պատմական հանձնաժողովի ստեղծման առաջարկին» Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը Նոյեմբերյանում բողոքի ակցիայի մասնակիցներից 5-ը ձերբակալվել է Նախաքննությունը շարունակվում է Amnesty International-ը՝ ՀՀ մասին. Ոստիկանական բռնություններ, ճնշումներ լրագրողների նկատմամբ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները |