Եգիպտոսում 3-օրյա սուգ է. ՀՀ նախագահն ու կաթողիկոսը ցավակցական ուղերձներ են հղել10 ապրիլի 2017 - 11:51 AMT PanARMENIAN.Net - Ապրիլի 10-ին Եգիպտոսում եռօրյա սուգ է սկսվել ի հիշատակ Ծաղկազարդի օրը քրիստոնեական եկեղեցիներում տեղի ունեցած պայթյուններից զոհվածների: Պայթյունները տեղի են ունեցել ապրիլի 9-ին Տանտա և Ալեքսանդրիա քաղաքներում և գրեթե 50 մարդու կյանք են խլել: ՀՀ նախագահ Սերժ Սարգսյանը ցավակցական հեռագիր է հղել Եգիպտոսի նախագահ Աբդել Ֆաթթահ Ալ Սիսիին՝ Մար Գիրգիս և Ալեքսանդրիայի Սբ Մարկոս եկեղեցիներում տեղի ունեցած ահաբեկչական պայթյունների կապակցությամբ: «Հայաստանը խստորեն դատապարտում է այդ անմարդկային արարքները և իր զորկացությունը վերահաստատում բարեկամ Եգիպտոսին՝ ահաբեկչության դեմ նրա մղած պայքարում։ Եգիպտոսի համար այս դժվարին պահին իմ անկեղծ ցավակցությունն եմ հայտնում Ձեզ, Եգիպտոսի բարեկամ ժողովրդին և զոհվածների ընտանիքներին՝ մաղթելով ուժ և ոգու տոկունություն, իսկ վիրավորներին՝ շուտափույթ ապաքինում»,-ասված է նախագահի ցավակցական հեռագրում։ Ամենայն Հայոց կաթողիկոս Գարեգին Բ Ծայրագույն Պատրիարքը ևս ցավակցական գիր է հղել Ղպտի Ուղղափառ Եկեղեցու պետ, Ալեքսանդրիայի Պապ և Համայն Աֆրիկայի Թավադրոս Բ Պատրիարքին` Տանտայի (Եգիպտոս) Մար Գիրգիս եկեղեցում և Ալեքսանդրիայի Ս. Մարկոս եկեղեցու առջև տեղի ունեցած ահաբեկչությունների առիթով, որոնց զոհ են դարձել և վիրավորվել բազմաթիվ անմեղ մարդիկ: «Այս ծանր պահին Մեր աղոթքներով ու մտքով զոհվածների ընտանիքների և Ձեզ հետ ենք», – նշել է Վեհափառ Հայրապետը՝ դատապարտելով ահաբեկչական գործողությունները: Պայթյունները որոտացել են մի քանի ժամվա տարբերությամբ: Սկզբից Տանտա քաղաքի գլխավոր՝ Մար Գիրգիս եկեղեցում՝ զոհվել է 31 մարդ, 81-ը՝ վնասվածքներ ստացել: Երկրորդ պայթյունը որոտացել է Ալեքսանդրիայի ղպտիական եկեղեցում, որտեղ պատարագ էր մատուցում ղպտիների պատրիարք Թավադրոս Երկրորդը: Մահապարտին թույլ չեն տվել ներս մտնել եկեղեցի և նա գործի է դրել պայթուցիկը եկեղեցու մուտքի մոտ: 17 մարդ է զոհվել: Եգիպտոսումարտակարգ դրություն է հայտարարվել 3 ամիս ժամկետով, հայտնում է ՌԻԱ Նովոստին: Photo: Reuters Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Գալուզին․ ԵՄ առաքելությունը գործում է ՀՀ հարևանների՝ Ադրբեջանի և Իրանի դեմ, հակառուսական քարոզչություն տանում Նա ասել է, որ առաքելությունը հաշվետու չէ «ոչ Հայաստանին, ոչ Ադրբեջանին, ոչ այլ շահագրգիռ երկրներին ու կառույցներին» Ավինյանի գլխավորած պատվիրակությունը մեկնում է Փարիզ Ավինյանը կհանդիպի Անն Իդալգոյի հետ ՀՀ և Հնդկաստանի ՊՆ–ները ստորագրել են 2024-2025 թթ. գործակցության պլանը․ Աշխատանքային խումբ կստեղծվի Քննարկվել են նաև տարածաշրջանային անվտանգությանն առնչվող հարցեր Երևանում վերսկսվել են անհնազանդության ակցիաները․ Ցուցարարները հավաքվելու են Ազատության հրապարակում Ժամը 17։00–ին EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետը |